InfoHub Logo

HHİ ǵasyr – jańa tehnologıa men aqparattandyrý ǵasyry. Barlyq sala kompúterlendirile bastady. Sonymen birge elimizdiń erteńi bolar jas urpaq kompúterdi tereń meńgerýi tıis. Aqparattyq-kommýnıkasıalyq tehnologıany damytý - bilim berýdiń bir bóligi.

Sońǵy jyldary zaman aǵymyna saı bilim berý júıesi elektrondyq baılanys, onlaın sabaqtar arqyly iske asyrylýda. Kúndelikti sabaqta kompúter, elektrondyq oqýlyq, ınteraktıvti taqta, ınternet qoldaný jaqsy nátıje berýde.

Interaktıvtik oqytý tehnologıasy – bul ujymdyq, ózin-ózi tolyqtyratyn, barlyq qatysýshylardyń ózara áreketine negizdelgen, oqý úrdisine oqýshynyń qatyspaı qalýy múmkin bolmaıtyn oqytý úrdisin uıymdastyrý bolyp tabylady...

Árbir oqýshynyń ózdiginen bilim alýynyń menshikti traektorıasyn qamtamasyz etetin bilim berýdiń ashyq júıesin quraıdy, aqparatpen jumys isteı alý bilimdiligin qalyptastyrady jáne qatynas jasaý qabiletin damytady, tanym prosesin uıymdastyrýdy ony júıeli oılaý jaǵyna jyljytý jolymen túbegeıli ózgertedi. Oqý prosesinde oqýshylardyń tanymdyq is-áreketin qolaıly uıymdastyrýǵa múmkindik týǵyzady, jańa tanym quraldaryn paıdalanýǵa  jáne  uıymdastyrýǵa  jaǵdaı  jasaıdy, bilim berýdi aqparattyq-ádistemelik turǵyda qamtamasyz etedi.

Ár oqytýshy sabaq ótkizgen kezde oqýshylarǵa sapaly bilim berý úshin jańa tehnologıalardy paıdalana otyryp, sonymen qatar kompúterdi, elektrondyq oqýlyq pen ınteraktıvti taqtany qoldaný arqyly bilim berse, oqýshylardyń qyzyǵýshylyǵy arta túseri anyq.
Interaktıvti taqta - toptaǵy oqýshylardyń barlyǵyn oqytý úshin jaqsy qural. Jańa materıaldy óte qyzyqty jáne qarqyndy etip túsindirýge kómektesetin kózge kórinetin qundy qural. Onyń aqparatty túrli mýltımedıalyq resýrstar kómegi arqyly tanysýǵa múmkindigi zor. Ol syzbalardy túsindirýdi jeńildetip, qıyn máselerdi sheshýge kómektese alady. Oqytýshylar ózderiniń jańa oılaryn, ıdeıalaryn áserli, tartymdy etip kórsetý úshin osy taqtany qoldansa maqsattaryna jetedi. Bul taqtada oqytýshylarmen jańa materıaldy birigip taldaýǵa múmkindigi zor.

Interaktıvti taqta toptaǵy barlyq oqýshylardyń  basty nazaryna aınalady . al eger de kerekti materıaldyń barlyǵy aldyn ala daıyndalyp, túsinýge ońaı bolsa, sabaqtyń jaqsy qarqyndy ótýin qamtamasyz etedi.

«Qazirgi zamanda jastarǵa aqparattyq tehnologıamen  baılanysty  álemdik standartqa saı múddeli jańa bilim berý óte qajet» dep,

Elbasy atap kórsetkendeı jas urpaqqa bilim berý  jolynda ınteraktıvti tehnologıany oqý úrdisinde ońtaılandyrý  men tıimdiligin arttyrýdyń mańyzy zor.

Qazirgi zamanǵy aqparattyq tehnologıalar árbir oqýshynyń bilim berý úrdisine shyǵarmashylyq qabiletin damytýǵa aıqyn múmkindikter beredi.

Sondaı-aq izdenýge, óz jumysynyń nátıjesin kórip, óz ózine syn kózben qaraýyna jáne jetken jetistiginen lázzat alýǵa múmkindik beredi.

Ol úshin muǵalim ótkizetin sabaǵynyń túrin durys tańdaı bilýi qajet.

Sabaqty durys josparlap, maqsatyn naqty belgilep, sabaqtyń mazmunyn, qurylysyn, dáldigin, jumys júrgizý tásilin muqıat oılastyrýy qajet.

Qorytyndy: Qoryta aıtqanda, joǵary  synypta jańa aqparattyq tehnologıalardy, ınovasıalyq ádis – tásilderdi paıdalaný - bilim sapasyn arttyrýdyń birden – bir joly. Oqytý úrdisinde oqýshylardyń bilim qoryn molaıtýǵa, belsendiligin arttyrýǵa, shyǵarmashylyq qabiletterin jetildirýge kómegi bar.

Oqýshylardy shyǵarmashylyqqa, óz betimen is-áreket etýge, óz pikirin aıta alatyn, ony dáleldeı biletin, ómirge degen ózindik kózqarasy qalyptasqan, únemi izdenis ústinde bolatyn,qoǵam damýyna úles qosa alatyn, jan-jaqty jetilgen jas urpaq ókilderin daıyndaı alamyz.

---