Reseı EAEO elderine kóliktiń aldyńǵy áınekterin qarańǵylatýǵa ruqsat berýdi usynyp otyr
Reseı EAEO elderine kóliktiń aldyńǵy áınekterin qarańǵylatýǵa ruqsat berýdi usynyp otyr,-dep habarlaıdy Infohab.kz Ushqynǵa siltep.
Reseı Federasıasy Eýrazıalyq ekonomıkalyq odaq elderine kóliktiń aldyńǵy terezelerin kúńgirtteýge ruqsat berý máselesin qarastyrýdy usyndy. Bul týraly Memlekettik dýma depýtaty, eńbek jáne áleýmettik saıasat komıtetiniń tóraǵasy Iaroslav Nılov EEK alqasynyń tóraǵasy Baqytjan Saǵyntaevqa joldaǵan hatynda aıtylǵan.
Depýtattyń aıtýynsha, EAEO aýmaǵyndaǵy jaz mezgilindegi ystyq aýa raıy — júrgizýshiler úshin aıtarlyqtaı qolaısyzdyq týǵyzatyn faktorlardyń biri. Kún sáýlesiniń tikeleı túsýi salonda temperatýrany kúrt joǵarylatyp, júrgizýshiniń nazaryn alańdatyp, jol qaýipsizdigine keri áserin tıgizýi múmkin.
Nılov qazirgi jaǵdaıda aldyńǵy terezelerdi tolyqtaı qarańǵylatýǵa emes, eń bolmaǵanda jaryqty ishinara súzgileıtin qorǵanysh japsyrmalardy zańdastyrýdy usynyp otyr. Ol bul bastama júrgizýshilerdiń jaılylyǵy men qozǵalys qaýipsizdigin arttyrady dep esepteıdi.
Aıta keteıik, Qazaqstanda kóliktiń aldyńǵy áınekterin qarańǵylaý zańmen shektelgen. Jol qozǵalysy erejelerine sáıkes, bul talapty buzǵandarǵa aıyppul salynady jáne kólik zańsyz jabdyqtalǵan dep esepteledi.
EEK bul usynysqa qatysty resmı pikir bildirgen joq.
You Might Also Like
-
Túrkistan oblysynda 9-synyp oqýshysynan bala týyldy: 23 jastaǵy er adam kúdikti retinde ustaldy— dep habarlaıdy Infohub.kz tilshisi.
-
Shymkent qalasynda bir aı kóleminde onǵa jýyq úıge túsip, iri kólemde altyn buıymdardy jymqyrǵan páter urylary qolǵa tústi. Bul týraly Polisia.kz habarlady.
