InfoHub Logo

AQSH-tyń saılaý aldyndaǵy jarystarynan kishkene habary barlarǵa, tipti saıasat pen sol elden alshaq adamdardyń ózderine prezıdenttikke úmitkerleri óte erekshe bolýy múmkin ekendigi belgili. Túp negizi halyq bıligi – demokratıaǵa negizdelgen Qurama Shtattardyń basty qaǵıdattarynyń biri – kez kelgen azamattyń prezıdenttikke úmitker bolý quqyǵy halyq tarapynan tym birbetkeı qabyldanǵan sıaqty. Osy rette óz eliniń tarıhynda eleýli oryn alǵan AQSH-tyń eń oǵash prezıdentteriniń tizimin usynamyz.

 

Djon Taıler

Djon Taıler AQSH tarıhyndaǵy óz eliniń jaýy dep jarıalanǵan jalǵyz prezıdent retinde tarıhqa endi. 1861 jylǵy surapyl azamat soǵysyna bastaý bolǵan Ońtústik konfederasıasynyń negizin qalaýǵa atsalysqandar qatarynda bolǵan Djon Taıler óziniń soltústik oponentteri tarapynan memleket jaýy dep jarıalanǵan bolatyn.

 

Gro­ver Klıv­lend

HİH ǵasyrdyń sońynda qatarynan eki ret AQSH prezıdenti bolyp saılanǵan Grover Klıvlend qylmyskerlerdi óz qolymen darǵa asatynymen tanymal bolǵandyqtan, halyq esinde Darshy laqabymen este qaldy. Ol Nú-Iork qalasynyń bas sherıfi bolǵan kezinde eń joǵary jazaǵa kesilgen júzdegen qylmyskerlerdi darǵa asýǵa daǵdylanǵan eken.

 

Ab­ra­ham Lın­koln

Esimi álemge tanymal Abraham Lınkoln birneshe myń qara tústi quldy bostandyqqa jiberýimen ǵana emes, prezıdenttik ókilettilikteri kezinde óltirilgen AQSH-tyń tórt prezıdentiniń biri retinde de tanymal. Tıp­pe­ka­noe qarǵysy («nóldik jyl qarǵysy») týraly ańyz da Lınkoln esimimen tyǵyz baılanysty. 1840 men 1860 jyldar aralyǵynda nólge bitken jyldary prezıdenttikke qol jetkizgen el basshylarynyń bári ózderiniń prezıdenttik merzimderi bitkenge deıin dúnıeden ozǵan.

 

Martın Van Búren

Mar­tın Van Bú­ren ana tili aǵylshyn tili bolmaǵan jalǵyz el basshysy retinde AQSH tarıhyna endi. Ol golandıalyq otbasynan shyqqandyqtan, úıinde tek nıderland tilinde ǵana sóılesetin bolǵan. Zamandastarynyń sózderine sensek, aǵylshyn tilin keıin úırengen prezıdent, ómiriniń sońyna deıin ony jetik meńgere almaǵan kórinedi.

 

Teodor Rýzvelt

Ańshylyqty jaqsy kórgen Teodor Rýzvelt bolsa, ańǵa shyqqanda árdaıym jýrnalıserdiń úlken tobyn ózimen birge alyp júrýimen erekshelengen eken. Onyń 1902 jyly ańshylyqta kishkentaı qonjyqty atpaǵany Was­hin­gton Evening Star gazetinde jarıalanǵan karıkatýradan oryn alady. Atalǵan sýret Nú-Iorktaǵy oıynshyqtar dúkeniniń ıesi Morrıs Mıchtom esimdi reseılik emıgranttyń kózine túsedi. Onyń jubaıy Roýz karıkatýradaǵy beıne negizinde kishkentaı oıynshyq qonjyq jasap, ony AQSH prezıdentiniń qurmetine «Qonjyq Teddı» nemese «Ted­dy Be­ar» dep ataıdy. Osylaısha, Teodor Rýzvelt búgingi kúni álemge jaıylǵan eń tanymal oıynshyqtardyń biriniń týýyna túrtki bolǵan.

 

Franklın Rýzvelt

Al Franklın Rýzvelt bolsa, óziniń yrymshyldyǵymen, ásirese, 13 sanynan qorqýymen este qalǵan eken. Ol 13- shi qabatta ótkizilgen is-sharalarǵa qatyspaǵan, aıdyń 13-shi juldyzynda saıahattamaǵan, oǵan qosa, túski asqa 13 qonaq kelgen jaǵdaıda, árdaıym óziniń hatshysyn shaqyrtatyn bolǵan.

 

Dje­rald Ford

Dje­rald Ford fotomodel retinde karera jasaý múmkindigi týǵan jalǵyz AQSH prezıdenti retinde tarıhqa engen eken. Tanymal jýrnaldarda sýretteri jarıalanǵan Djerald Ford amerıkan fýtbolyn oınaýmen de erekshelengen. Tipti Amerıka fýtbol lıgasynyń jetekshi komandalary tarapynan oǵan kásibı kelisim-shartqa otyrý usynystary da kelip túskenin atap aıtýǵa bolady. Amerıka fýtboly men bokstan bapker de bolǵan Djerald Fordtyń sportqa jaqyn bolǵandyǵy sonshalyq, ol tipti tenıs jáne gólfpen shuǵyldanǵan kórinedi. Osy sebepti zamandastary ony oı-órisi tar adam retinde qabyldaǵan.

---