InfoHub Logo

Túrmelerdiń barlyǵy bir-birine uqsaı bermeıdi. Tússiz beton qoraptar túrindegi jáne qaptaǵan qarýly kúzeti bar túrmelerdiń ornyna damyǵan elderdiń petısensıarly júıesi kelýde. Olarda jazalaryn óteýshilerdi jazalaý emes, qaıta tárbıeleý birinshi kezekte turady. Kelesi toptamadan kádimgi túrmege qaraǵanda, shıpajaıǵa uqsaıtyn túrmelerdi kórýge bolady.

Sbertoli vıllasy

Italıa

Túrme men psıhıatrıalyq emhana bolyp tabylatyn Villa Sbertoli XVIII ǵasyrda salynǵan ǵımaratta ornalasqan. Onyń qabyrǵalaryndaǵy freskalar tańǵajaıyp óner týyndylary ispettes.

Shılon zamogy

Shveısarıa

Búgingi kúni murajaıǵa aınalǵan Shılon zamogy da bir kezderi túrme bolǵan eken. Bul jerde korólder ózderiniń mańyzdy tutqyndaryn ustaǵan kórinedi.

 

Halden

Norvegıa

Bul túrmede qamaýǵa alynǵandar túrme aýmaǵynda emin-erkin júrýmen ǵana shektelmeı, beıneoıyndar oınap, ortopedıalyq matrastarda uıyqtaıdy eken. Olar tipti túrme aýmaǵynda aqsha tabý múmkindigine de ıe bolady. Mundaǵy basty ıdeıa olardyń bostandyqqa shyqqannan keıin qoǵamǵa sińisip ketýlerine múmkindik jasaý bolyp tabylady.

Ádilet ortalyǵy

Avstrıa

Áıgili Djozef Hoýshenn esimdi sáýletshiniń týyndysy bolyp tabylatyn bul túrme qamaýdaǵylarǵa bostandyqta júrgenderin sezindirý ıdeıasymen salynǵan eken. Úlken terezeler men birshama keńistikke ıe bul túrmeni kópshilik qaýym shıpajaıǵa uqsatatyn kórinedi.

Scenic Bastøy Prison

Bul túrme osy toptamadaǵy eń tańǵajaıyp túrme bolyp sanalady, sebebi ol jeke-menshik aralda ornalasýymen shektelmeı, qamaýdaǵylarǵa bos ýaqyttaryn qalaǵandaryndaı ótkize alatyndaı múmkindik beredi. Atap aıtsaq, olar balyq aýlaýmen, jer óńdeýmen aınalysyp, tenıs oınaý jáne atpen saıahattaý múmkindigine ıe bolady.

Garsten-Abbı

Avstrıa

1851 jylǵa deıin monastyr bolǵan Garsten-Abbı ǵımaratyn avstrıalyqtar túrme retinde qoldana bastaǵan. Baroko stılinde salynǵan Garsten-Abbı álemniń eń ádemi túrmeleriniń biri retinde tanymal.

 

Patsha túrmesi

Anglıa

Aýyr esikterin sanamaǵanda, memlekettik mektepke uqsaıtyn bul túrmede synyptar, sport zaly, bılárd ústeli men ústel tenısi bar eken.

Frımant túrmesi

Avstralıa

Batys Avstralıada ornalasqan bul túrme osymen 136 jyl boıy jumys istep keledi. Múmkin osy sebepti bolar, atalǵan túrme IýNESKO Álemdik murasynyń tizimine de engen eken.

 

Memlekettik túrme

Danıa

Shyǵys Iýtlandıanyń Memlekettik túrmesi osydan shamamen 10 jyl buryn ashylǵan eken. Syrtynan qaraǵanda qarapaıym dızaınǵa ıe bul ǵımarat joǵary qorǵanys deńgeıimen, sonyń ishinde ınfraqyzyl kameralarmen, qozǵalys qurylǵylarymen jáne saýsaq iztańbalarynyń skanerimen jabdyqtalǵan.

 

Ádilet pavılony

Nıderlandy

Nıderlandyda ornalasqan Jastar ortalyǵy bostandyqty múldem shektemeıdi eken. Mundaǵy qamaýdaǵylar tabıǵat aıasynda serýendeý múmkindigine ıe. Eń ǵajaby – bul jerden áli eshkim qashýǵa bel býmaǵan.

---