InfoHub Logo

Aqtaý qalasyndaǵy hımıalyq-bıologıalyq baǵyttaǵy Nazarbaev zıatkerlik mektebiniń matematıka páni muǵalimi Svetlana Ozǵan Máskeýden oralyp, jýrnalıserge «Matematıka jáne jobalaý» baıqaýyna qatysqany jáne onyń nátıjesi jaıly aıtyp berdi. Bes kúnge sozylatyn jyl saıynǵy baıqaý bıyl M. Lomonosov atyndaǵy Máskeý memlekettik ýnıversıtetiniń bazasynda ótti.

Svetlana Ozǵan «Jobalaý jáne zertteý jumystary qyzmetin uıymdastyrý» seksıasynyń jobasyna qatysyp, «Matematıka sabaqtarynda oqytýdyń jobalyq ádisin qoldaný jáne zertteý qyzmetin uıymdastyrý» atty taqyryptaǵy jobasyn usyndy. 

«Balalardyń zertteý jumysyn júrgizýge degen tilegin ashý úshin matematıka sabaqtaryna zertteý ádisterin engizý qajet dep sanaımyn. Mysaly, ǵylymı jumys baıandamadan, referattan, zertteýden turady. Barlyq úsh bólimdi oryndaý nátıjesi boıynsha ǵana tujyrymy bar tolyqqandy joba alýǵa bolady. Ádil qazylar ıdeıama qyzyǵýshylyq tanytty. Olarǵa sabaqtar taqyrybyn kórsettim. Olardyń birindegi burysh jaıly túsindirip, «Aqtaý qalasynyń geometrıasy» taqyrybyn jasadym. Buryshtar nysanyn kartada bar mysaldardan kórsettim. Mundaı tásil balalarǵa da unaıtyny sózsiz, ádil qazylar jobaǵa joǵary baǵa berdi», - dedi Svetlana Turashqyzy.

Svetlana birinshi oryn ıelendi. Uıymdastyrýshylar jeńimpazǵa onyń zertteýine ǵylymı-ádistemelik materıal ázirleýdi usyndy.

Baıqaýǵa S. Ozǵannan basqa, NZM 11 synyp oqýshysy Aıda Zınýrqyzy qatysty. Svetlana Ozǵan jetekshilik etken oqýshynyń jobasy 3 oryn ıelendi.

---