InfoHub Logo

Bıyl Astanada 4 myńnan astam túlek UBT tapsyrady. bul týraly elorda ákimdiginiń resmı saıtynda habarlady.

Ulttyq biryńǵaı testileýge deıin az ýaqyt qaldy. Ótinimderdi qabyldaý nátıjesi boıynsha elordada 4106 oqýshy jyldyń basty emtıhanyn tapsyrady. Qazirgi kezde oqýshylar arasynda synaq testileý uıymdastyrylyp jatyr. Sonymen qatar, mektepterde muǵalimder qosymsha sabaqtar ótkizip, árbir túlektiń jeke psıhologıalyq daıyndyǵyna basa nazar aýdarýda.

UBT qarsańynda muǵalimdermen, ata-analarmen jáne mektep túlekterimen aqparattyq-túsindirý jumystary júrgizildi. Budan basqa, Sar Edtech nátıjelerdi taldaý elektrondy júıesin paıdalana otyryp, onlaın testileý júrgizilýde, bul árbir oqýshynyń nátıjelerin taldap, jeke kartasyn ázirleýge, onyń qatelikteri men kemshlikterin kórsetip, jeke-jeke jumys isteýge múmkindik beredi.

Ádettegideı, túlekter biryńǵaı emtıhandy L.N. Gýmılev atyndaǵy Eýrazıa ulttyq ýnıversıtetiniń, S. Seıfýllın atyndaǵy Qazaq agrotehnıkalyq ýnıversıtetiniń, Qazaq gýmanıtarlyq zań ýnıversıtetiniń bazasynda tapsyrady. Testileý 1-7 maýsymda ótedi. Testileýge úsh jarym astronomıalyq saǵat (210 mınýt) ýaqyt bólinedi.

UBT tapsyratyn oqýshylardyń ishinde, 196-sy «Altyn belgi» medalin jáne 89-y erekshe úlgidegi atestat alýǵa úmitker.

Eske salaıyq, shekti deńgeıge (50 bal) qol jetkize almaǵan oqýshylar basty ulttyq emtıhandy tamyz aıynda aqyly negizde qaıta tapsyra alady. Testileýdi qaıta tapsyrý quny - 2242 teńge. Testileýge qatysý úshin JOO-ǵa ótinish, tórt 3h4 fotosýretin, jeke kýálik pen mektepti bitirgeni týraly atestatty usyný qajet.

Testileý qorytyndysy boıynsha ýnıversıtetke túsý úshin shekti bal jınaǵan, biraq ony  jaqsartqysy keletinder UBT qaıta tapsyrýǵa jiberilmeıdi. Mysaly, qandaı da bir pán boıynsha túlek «2» baǵasyn alsa, biraq shekti bal jınasa, ol UBT qaıta tapsyra almaıdy. 

---