InfoHub Logo

Aqtóbede qoqys jáshiginiń janynda jatqan sómkeden adam denesi tabyldy. Bul týraly jergilikti turǵyndar men jumysshylar habarlady. Olardyń aıtýynsha, úlken qytaı sómkesi birneshe kún boıy qoqys jáshikteriniń arasynda jatyp, qatty ıis shyǵarǵan.

Bul týraly Infohub.kz aqparat agenttigi habarlaıdy.

Sýmkanyń ıisi seziktendirdi

№38 mektep aýmaǵyndaǵy qoqys alańynan er adamnyń máıti tabylǵan. Jergilikti aýla sypyrýshy Bolat Jumaǵalıevtiń aıtýynsha, sómke birneshe kún buryn baıqalǵan jáne odan shyqqan jaǵymsyz ıis kópshiliktiń nazaryn aýdarǵan.

«Ol keshege deıin osynda jatty. Qatty ıis shyqty. Ólik shirip ketken sıaqty. Men áıelim ekeýmiz osynda aýla sypyrýshy bolyp jumys isteımiz. Men sómkeniń ishine qaraýǵa da oıladym, biraq ıisinen jaqyndaı almadym. Shirigen et shyǵar dep oıladym. Al keshe polısıa keldi, eshkimdi jaqyndatpady. Sóıtsek, ishinde adamnyń óligi jatqan eken», - deıdi Bolat Jumaǵalıev.

Polısıa qandaı sharalar qoldanyp jatyr?

Aqtóbe oblystyq polısıa departamenti bul jaǵdaıdy rastady. Resmı málimetterge súıensek, qoqys alańynan 55 jastaǵy er adamnyń máıti tabylǵan.

«Máıitti tapqan fakti boıynsha polısıa qylmystyq is qozǵady. Oqıǵanyń mán-jaıyn anyqtaýǵa baǵyttalǵan qajetti tergeý jáne jedel-izdestirý sharalary júrgizilip jatyr. Tergeý múddesi úshin basqa aqparat jarıa etilmeıdi», - dep habarlady oblystyq polısıa departamenti.

Polısıa Aqtóbe turǵyndaryn jalǵan aqparat taratpaýǵa shaqyrdy.