InfoHub Logo

Avtomobılder otbasynda ózderiniń konsepsıalarymen jáne ǵajaıyp múmkindikterimen erekshelenetinderi barshylyq. Sońǵy 60 jyl ishinde shyǵarylǵan eń tańǵajaıyp avtomobılderdi nazarlaryńyzǵa usynamyz.

 

 

 Fireberd III 

1959 jyly shyqqan bul mashınaǵa qarasańyz, onyń kádimgi avtomobıl men reaktıvti ushaq qosyndysy ekendigi kúmán týdyrmaıdy. Ózgeshe bir kýzovqa ıe bul avtomobıldiń 2 bólek avıasıalyq kabınasy bolǵan. Basqarý úshin de qarapaıym rúl emes, ushaqtarda qoldanylatyn djoıstık ornalastyrylǵan. 7 artqy belaǵashy bolǵan avtomobıldiń artqy dóńgelekteri aýa tartqyshtardyń astynda múldem kórinbeıtin. Avtomobılde 225 at kúshine ıe gaz-týrbınalyq qozǵaltqysh ornatylǵan bolatyn.

 Holden Hurricane 

1969 jyly «Daýyl» degen atqa ıe kýpe shyqqan bolatyn. Oǵan áskerı ushaqtardaǵy sıaqty ǵana kire alatynsyz: júrgizýshi men jolaýshy salonǵa jaıǵasqannan keıin, avtomobıldiń tóbesi jabylatyn, al oryndyqtary tómen qaraı sheginip, jatýǵa yńǵaıly bolatyn kúıge enetin.

Holden Hurricane sol kezdegi aldyńǵy qatarly elektronıkamen jabdyqtalǵan edi: oǵan artqy kórinis kamerasy, klımatty avtomatty baqylaý júıesi, jabdyqtardyń sıfrlyq paneli, ózin-ózi kúıge keltiretin radıo jáne magnıtter boıynsha baǵyt alatyn navıgator ornatylǵan edi.

 Cadillac Cyclone 

1959 jyly Cadillac óziniń Cyclone atty konseptisin shyǵarǵan edi. Bul avtomobılde búgingi kúni tanymal bolǵan qaqtyǵystardyń aldyn alý júıesi ornatylǵan. Bul avtonyń aldyńǵy bamperine mashınanyń aldyndaǵy jol bóligin skanerlep, júrgizýshini yqtımal qaýip-qater týraly habardar etetin radıolokasıalyq júıe ornatylatyn.

Oǵan qosa, Cadillac Cyclone ashylatyn tóbesimen jáne bytyra moıyntirekpen artqa qaraı ashylatyn esikterimen erekshelenetin.

 Toyota fun-vii 

Bul avtomobıldi HHİİ ǵasyr mashınasy dep te ataıdy. Toyota fun-vii avtomobıliniń kýzovy túrli beınekontentti mashınanyń tóbesine shyǵarýǵa múmkindik beretin arnaıy materıalmen jabdyqtalǵan. Nátıjesinde mashına óziniń túsin ǵana ózgertip qoımaıdy, sondaı-aq, túrli sýretter men órnekter salatyn materıal da bolyp tabylady. Avtomobıl korpýsynyń tolyǵymen sensorly ekenin de umytpaý kerek.

 Móldir avtomobıl 

Bul mashına 100% organıkalyq shynydan jasalǵan bolatyn. Móldir avtomobıl mysalynda oǵan ornatylǵan qaýipsizdik júıeleriniń jumysyn qarap kórýge bolady.

 

 BMW Jina 

Arnaıy ınovasıalyq konstrýksıa men kýzovty jasaýǵa arnalǵan arnaıy materıal (spandeks) arqasynda bul mashına óziniń syrtqy kelbetin ózgerte alady. Kýzovtyń negizi elektrli jetek arqyly qozǵalys qalpyna enetin alúmınıden jasalǵan qańqadan turady, al jaqsy ıiletin jáne jartylaı móldir spandeks qańqany tolyǵymen qaptaıdy.

 

 Hydra Spyder 

Bul mashına jarys kary men motorly qaıyqtyń gıbrıdi bolyp esepteledi. 3300 kg salmaqqa ıe avtomobıldiń 400 at kúshine saı keletin V-8 alty lıtrlik qozǵaltqyshqa ıe ekenin de aıta ketý kerek. Qurlyqta Hydra Spyder 201 km/saǵ deıin, al sý betinde 85 km/saǵ deıin jyldamdyqpen qozǵala alady. Sýǵa kirer kezde júrgizýshiniń arnaıy basqyshty basýy shart. Dál sol sátte pnevmojúıe dóńgelekterdi alyp tastaıdy da, mashına qaıyqqa aınalady.

 

 Kiravan 

Kiravan júk kóligi dóńgelekti úılerdiń ishindegi eń keremeti bolyp sanalady. Ol jalpy kólemi 772 lıtrdi (júrý qashyqtyqtyǵy – 3 000 km) quraıtyn birneshe otyn bagyna ıe. Bul avtopoıyzdyń barlyq júıeleri kabınadan basqarylady. Sondaı-aq, Kiravan-da kún batareıalarynyń blogy, akýmýlátor, 25 kVt qýatqa ıe dızeldi generator ornatylǵan. Bul qurylǵylar elektrlik qajettilikterdiń bárin óteý úshin arnaıy jasalǵan.

 

 Mercedes Benz F-Cell Roadster 

Bul mashına Mercedes-tiń 1886 jyly shyǵarǵan alǵashqy avtomobıliniń qazirgi zamanǵy nusqasy bolyp tabylady. F-Cell Roadster-degi retro-dızaın HHİ ǵasyrdyń zamanaýı tehnologıalarymen ózara qosylǵanymen, onyń maksımaldy jyldamdyǵy tek 25km/saǵ ǵana quraıdy.

 

 Rolls-Royce 103EX 

Bul konsept shyǵarýshysy tarapynan bolashaq avtomobıli retinde tanystyrylǵan bolatyn. Ol kýzovynyń ózgesheligimen jáne barlyq Rolls-Royce-tardaǵy sıaqty tańdandyrarlyq salonymen erekshelenedi. Taǵy bir aıta keterlik jaıt, bul avtonyń dástúrli rýli men pedaldary joq, sebebi ol avtopılot arqyly júrý úshin arnaıy oılap tabylǵan avtolar qataryna kiredi.

 BMW Vision Next100 

BMW Vision Next100 júrgizýshini yqtımal qaýip-qaterler týraly aldyn ala habardar etip otyratyn jasandy ıntellekt múmkindikterimen jabdyqtalǵan. Sonymen qatar bul avtomobıl avtopılottaý rejıminde de qozǵala alady.

---