InfoHub Logo

2017 jyldyń 10 sáýirinen Astana qalasynda memlekettik balabaqshalarǵa joldamalar www.astana.kz portaly arqyly elektrondyq túrde beriletin bolady.

Astana qalalyq bilim basqarmasy baspasóz qyzmetiniń málimetinshe, bul baǵytta qyzmetti alýshylarǵa 2017 jyldyń 1 sáýirine deıin kelesi áreketterdi oryndaý kerek:

1) elektrondyq-sandyq qoltańbany alý (ol úshin HQO «Azamattarǵa arnalǵan úkimet» KAQ júginý qajet);

2) ótinim berýshiniń elektrondyq-sandyq qoltańbasy (jeke kabınetke kirý) arqyly www.astana.kz júıesinde tirkelý;

3) ótinim berýshiniń jeke kabınetinde baılanys málimetterin kórsetý nemese ózgertý (elektrondyq poshta, uıaly telefon nómiri) qajet. Baılanys málimetteri sizdiń kezegińiz kelgeni jaıly habardar etý (habarlama, eskertý hat) úshin kerek.

Joldamalar kezekke sáıkes qoldanystaǵy balabaqshalardaǵy bos oryndarǵa beriledi. 

Eger ótinish berýshilerdiń balalary 2015 jyly dúnıege kelse, olar úshin 10 sáýirden, tıisinshe 2014  12 sáýirden, 2013  18 sáýirden, 2012  21 sáýirden, 2011  25 sáýirden bastap memlekettik balabaqshaǵa joldamany alýǵa múmkindik bar. Árbir týǵan jyl úshin memlekettik balabaqshalarǵa joldamalardyń berilýin kútý merzimi paıdalanýshylarǵa eskertpe joldanǵan sátten bastap 15 jumys kúnin quraıdy. Joldama berilgen kúnnen bastap 5 kún ishinde mektepke deıingi uıymǵa usynylýy tıis.

2015 jyly týǵan balalar úshin 1240 bos oryn, 2014 jyly týǵandar úshin 2233 bos oryn, 2013 jyly týǵandar úshin 1340 bos oryn, 2012 jyly týǵandar úshin 1111 bos oryn, 2011 jyly týǵandar úshin 386 bos oryn bar. Jalpy Astana qalasy boıynsha 6310 bos oryn bólinedi.

Eger bala úsh jasqa tolyp, mektepke deıingi mekemege kezegińiz kelmese, onda memlekettik tapsyrysy bar jekemenshik balabaqshadan; tórt jastan bastap shaǵyn ortalyqtardan oryn alýyńyzǵa bolady (mekenjaılary, telefondary jáne alý tártibi ınfografıkalarda kórsetilgen). Bos oryndar týraly barlyq aqparat e.astana.kz júıesinde ornalastyrylǵan. 2017 jylǵy 27 naýryzdan bastap 7 sáýirge deıin Qartaly kóshesindegi №61 mektepte jeńildikke ıe azamattar arasynda balabaqshalarǵa bos oryndar bólinedi. Bul sanatqa QR BǴM 25.02.2016j. №58 buıryǵyna sáıkes kelesi turǵyndar kiredi: zańdy ókilderi múmkindigi shekteýli jandar sanalatyn balalar; ata-ananyń qamqorlyǵynsyz qalǵan balalar; jetim balalar; kóp balaly otbasylardan shyqqan balalar; áskerı qyzmetshilerdiń balalary; arnaýly memlekettik organdar qyzmetkerleriniń, onyń ishinde qyzmet ótkerý kezinde qaza tapqan, qaıtys bolǵan nemese habar-osharsyz ketken qyzmetkerlerdiń balalary», - delingen aqparatta.

---