InfoHub Logo

Taqyryby: Altyn kúz

Maqsaty: Balalarǵa jyl mezgilderiniń aıyrmashylyǵy men zor baılyqtary týraly tolyq túsindirý. Ár mezgildiń óz qyzyǵy men sáni bar ekenin uǵyndyrý. Kúz aılarynyń halyqqa molshylyq alyp keletinin, qýanysh syılaıtynyn jetkizý. Balalardy bir – birine syılastyqty, aýyzbirshilikti bolýǵa shaqyrý. Ónerge degen qyzyǵýshylyqtaryn oıatý jáne sóz qorlaryn baıytý.

Kórnekilikter: Japyraqtar, jemister, kókónister maskalary, sharlar, gúlder, jemister.

Júrgizýshi: Qurmetti ata - analar, balabaqsha ujymy sizderdi búgingi ólkemizdiń «Altyn kúz» merekesimen quttyqtaımyz! Sizderge árqashan osy kúz mezgilindeı molshylyq tileımiz!
Oı, balalar, balalar,
Qońyrqaı kúz bolypty.
Qýrap japyraq solypty,
El eginin alypty.
Aq úzikter jaýypty.

Sahnaǵa kúz hanshaıymy keledi(qolynda jemiske toly sebet, ústinde toly sary japyraq, basynda jemis taǵylǵan shlápa)
Sálemetsińder me balalar, ata - analar, ustazdar! Men myna jaqtan ótip bara jatqan edim. Senderdiń daýystaryńdy esitip keldim. Men jalǵyz emespin, qasymda meniń týystarym da bar, olar: qyrkúıek, qazan, qarasha. Sender bular týraly jaqsy biletin shyǵarsyńdar.

Júrgizýshi: Kúz hanshaıymy qosh kelipsiz! Sizderge árdaıym esigimiz aıqara ashyq. Bizdiń búldirshinderimizdiń sizge degen jyly yqylasyn qabyl alyńyz! Biz, balalar, endi kúzge óz ónerimizdi kórseteıik.

Qane endi bizdiń búldirshinderimizdiń ádemi de tartymdy án, taqpaqtar, bı, oıyndaryn tamashalańyzdar!

Hor: Kúz jomart

Júrgizýshi: Erkin kúlip oınaımyz
Erteńdi de oılaımyz
Dostyǵymyzdy qasterlep
Altyn kúzdi toılaımyz – dep baldarymyzdyń taqpaǵyna kezek beremiz.

Anelá
Alaqaı, alaqaı!
Altyn kúz keldi
Baqshaǵa baratyn kez keldi
Alaqaılap júregim
Qýanyshqa tolyp tur
Asyqqan altyn kúzimde
Qońyraýyn soǵyp tur

Meırim
Sary altyndaı sary kúz
Kútemiz seni bárimiz
Ketti mine sarǵaıyp
Qambalarǵa syımasyn
Kúz mezgili sarǵaıyp
Elime baqyt syılasyn

Valerıa
Altyn, sary, qyzyl, kók
Alýan, alýan japyraq
Kúzgi baqta kúlimdep
Kóz tartady atyrap

Aıajan
Kók aspanyń móldirep,
Altyn kúzim eljirep.
Asyr salyp júre ber,
Sary kóılegiń jelbirep.

Nurnaza
Qarashy kúz keldi, kúz keldi,
Japyraq jaýypty izderdi.
Qus bitken kerýen tizedi,
Qara bult qabaǵyn túıedi.

Júrgizýshi:
Órik, shıe, alma, alsha
Jıdek júzim pisedi
Qaýyn, qarbyz, qıar, sábiz
Qoımalarǵa túsedi
Aıtyńdarshy balalar
Bul qaı kezde bolady?
Balalar: Kúzde

Júrgizýshi: myna jaqta kókónister men jemister aıtysyp jatyr ǵoı tyńdap kórelik.
Kókónister aıtysy
Pıaz – Mıhaıl
Asqanadan shyqpaımyn
Atym pıaz buqpaımyn
Kózden jasty shyǵaryp
Tumaýdan biraq saqtaımyn
Maǵan jeter qaısyń bar, men myqtymyn

Qyzylsha Aızere
Toqta, toqta
Aq túsim bar qant alar
Qyzyl túsim qanǵa nár
Zıanym joq bilip qoı
Qyzylshamyn paıdam bar