InfoHub Logo

Aıaýly meniń anashym, asyl ustazym - Damıra Abdýllaevaǵa!

Meniń júregimniń bir bólshegi, kúnine alty saǵat boıy janymyzdan tabylar qamqorshymyz. Eshbir adam teń kelmeıtin, eshkim jete almaı júrgen bıik shyńym. Seniń bilimiń boıymyzǵa nár berip, azyǵymyz bolady. Aspandaǵy aıdaı asyl ustazym, kóktegi kúndeı meıirimdim! Sizdi 8 naýryz-halyqaralyq áıel-qyzdar kúnimen jáne tamasha kúnde ótkizetin týǵan kúnińizben shyn júrekten quttyqtaımyn! Jarty kúnińizdi bizben ótkizip, bizdiń ákemiz de, anamyz da bolasyz. Árqaısymyzben syrlasyp, qaıǵy-qýanyshymyzben bólisip, kún sáýlesindeı nuryńyzdy tógesiz. Kúlkińizben janymyzǵa jylý syılaısyz.Árqashan bizderge tálim-tárbıeińizdi aıtyp, árdaıym bizdi qadaǵalap otyrasyz. Bizderdiń bolashaǵymyzdy oılap, ár sabaǵyńyzdy meıirimmen túsindirip, bilimmen sýsyndatasyz. Biz sabaqtan shyǵyp úıge ketsek te bizdi ýaıymdaısyz. Kúni-túni bizderdi oılap álek bolasyz. Qandaı jaǵdaı bolsa da bizdi jaqtaısyz. Bizderdi nashar dese qapalanasyz. Sizdiń osy qasıetterińizdi jaqsy kórem. Osylaısha aramyzda shashyńyzǵa aq túspeı, qartaımaı júrýińizdi tileımin. Bir ókinishtisi ýaqyt óte biz de mektep bitirermiz. Biraq men sizdi eshqashan umytpaımyn. Boıyma sýsyndatyp otyrǵan bilimderimdi ár ýaqytta keregime jaratyp, sizdiń bergen tálim-tárbıeńizben júretin bolam. Sizdiń arqańyzda talaı-talaı bıik shyńdarǵa shyǵatynyma senem. Atyńyzdy áıgili etýge kúshimdi salamyn. Bizderdiń de bala-shaǵańyzdyń da qyzyǵyn kórip, uzaq jasaı berińiz dep shyn tilek bildiremin!

«№121 jalpy orta mektebi KKM-niń
8 «A» synyp oqýshysy Raıhan Baljan

 

---