InfoHub Logo

Búgin Ortalyq komýnıkasıalar qyzmetinde brıfıń ótkizgen Bilim jáne ǵylym mınıstrliginiń ókilderi «Qazaq tili» men «Qazaq ádebıeti» pánderi jalpy jikteýishten alynbaǵanyn resmı málimdedi. Bilim vıse-mınıstri Elmıra Sýhanberdıevanyń aıtýynsha, ótken senbiden jeksenbige qaraǵan túni mınıstrliktiń saıtyna shabýyl jasalǵanyn, jikteýish qujattyń ózgergeni týraly aqparattyń jalǵan ekenin resmı málimdedi.

Joǵary jáne joǵary oqýdan keıingi jikteýishten «Qazaq tili» jáne «Qazaq ádebıeti» pánderi joıyldy degen aqparat shyqqan soń, bir top akademıkter Premer-Mınıstr Baqytjan Saǵyntaevtyń atyna ashyq hat joldaǵan edi. Bilim mınıstrliginiń Joǵary jáne joǵary oqýdan keıingi bilim departamentiniń dırektory Darhan Ahmed-Zakı ol akademıkter qandaı mátindi ashyq hatqa qol qoıǵanyn túsinbeýi de múmkin deıdi.

«Qazir Qazaqstanda jalǵyz zańdy túrde bekitilgen qujat bar. Ol - joǵarǵy oqý jáne joǵarǵy oqýdan keıingi jikteýish. Osy qujat  2009 jyly bekitilgen, sodan beri ózgergen joq. Osy mamandyqtarǵa baılanysty keıin memlekettik granttar bólinedi, al, qazir «Qazaq tili» jáne «Qazaq ádebıet» pánderi boıynsha jeti myńnan asa maman oqyp jatyr. Onyń ishinde eki myńnan astamy grantta. Jalpy, bıyl da, keleshekte de ol baǵytta ózgerister bolady dep kózdep otyrǵan joqpyz»  - dedi departament dırektory.

«Árıne, meniń oıymsha qol qoıǵan kezde ol akademıkterge de belgili aqparatty durys jetkizbegen shyǵar. Sondyqtan, ókinishke qaraı, ol kisiler bilmeı qol qoıǵan. Al, ashyq hattyń ishinde aıtylǵandaı «Qazaqstandaǵy mamandyqtardyń arasynan qazaq tili sabaǵy ketti» degen aqparat shyndyqqa janaspaıdy», - dedi ol.

---