tengrinews.kz
Armenıa jańa soǵysqa daıyndalyp jatyr ma? Pashınánnyń málimdemesi eldi dúrliktirdi
Armenıa premer-mınıstri Nıkol Pashınán eldegi opozısıany jańa qarýly qaqtyǵysty týdyrýǵa tyrysýda dep aıyptady. Bul týraly ol brıfıńte málimdedi. Pashınánnyń aıtýynsha, opozısıa beıbitshilikke qarsy emespiz dep aıtqanymen, bılikke kelse, kelisimderdi qaıta qaraıtynyn aıtyp júr. Bul ustanym soǵystyń bastaýyna ákelýi múmkin ekenin premer erekshe atap ótti.
Bul týraly Infohub.kz aqparat agenttigi habarlaıdy.
«Bul – soǵys!»
«Olar beıbitshilikke qarsy emespiz, biraq bılikke kelsek, beıbit kelisimdi qaıta qaraımyz deıdi. Men bul – soǵys ekenin ashyq aıtqym keledi», - dedi Pashınán.
Armenıa basshysy mundaı málimdemelerdiń jaýapkershilikti sezinetin saıasatkerlerdiń ustanymyna saı kelmeıtinin aıtty. Sondaı-aq, ol mundaı sózderdi shet el kúshteri jazdyryp, ishki opozısıa tek oqyp otyrǵanyna senim bildirdi.
Buǵan deıingi kelisimder
Buǵan deıin Armenıa Ázerbaıjanmen beıbit kelisimnen bas tartqan bolatyn. Respýblıkanyń burynǵy prezıdenti Robert Kocharánnyń aıtýynsha, Bakýmen jasalatyn kelisim tek qaýipsizdik kepildikterine negizdelýi tıis.
2025 jyldyń 8 tamyzynda Pashınán men Ázerbaıjan prezıdenti Ilham Álıev AQSH prezıdenti Donald Tramptyń qatysýymen Vashıngtonda bitimgershilik týraly deklarasıaǵa qol qoıǵan edi. Kelisimge sáıkes, AQSH baqylaıtyn dáliz arqyly Ázerbaıjandy Armenıa aýmaǵy arqyly Nahıchevanmen baılanystyratyn «Tramp dálizi» ashylýy kerek bolǵan.
-
BUU-nyń jańa esebi boıynsha, Qazaqstan baqytty elder reıtıńinde 10 satyǵa joǵarylap, TMD elderi arasynda úzdik nátıje kórsetti.
-
Armenian Prime Minister Nikol Pashinyan accuses opposition of pushing for war by seeking to revise peace agreements if they gain power.
