InfoHub Logo

Sálematsyzdar ma Qurmetti ustazdar!
Men Kemprekova Janar Janserikqyzy
Men Sizderge ata - ana, oqýshy, muǵalim úshtiginiń yntymaqtastyqta jumys jasaýyn damytý úshin qoldanýǵa bolatyn trenıń túrlerin kórsetemin. Barlyǵymyz ortaǵa shyǵyp aınala sheńber quryp turaıyq.
Qazir men sizdermen tanysý jáne aldaǵy jumystarymyzdy jasaýǵa psıhologıalyq daıyndyq maqsatynda « Baılanys» trenıńin ótkizemiz.
Ár qatysýshy ózin tanystyryp, jipti qoldaryna bir orap kelesi adamǵa beredi, ol adam týra osylaı qaıtalaıdy. Barlyǵy orap bolǵan soń Qarańyzdarshy myna jibimiz nege uqsap tur. Bul adamdardyń bir – birimen qarym - qatynasy. Bizdiń mysalymyzda bul ata - ana, oqýshy, muǵalim, úshtiginiń baılanysy. Al endi osy baılanys bir jerden bosap shyǵyp ketetin bolsa, ne bolar edi? Qalaı oılaısyzdar?

Jaqsy barlyqtaryńyzǵa rahmet, oryndaryńyzǵa bara berýlerińizge bolady.
Bul jumys adamdardyń arasyndaǵy baılanystyń jipteı juqa, jińishke ekenin kórsetedi.
Kelesi tapsyrmada ata - ana minsiz muǵalim, oqýshy minsiz ata - ana, muǵalimder minsiz oqýshy modelin jasaıdy.
Plakat taratylyp beriledi.
Bul tapsyrmanyń maqsaty Muǵalim ata - ana oqýshy úshtiktigin ár qyrynan taldap Bir – birinen ne talap etiletinin anyqtap alý úshin qoldanylady.
Qurmetti muǵalimder Interaktıvti taqtaǵa nazar aýdaryńyzdar

"Shegeniń izi"
Minezi jaman bir jas jigit bolsa kerek. Eshkim ony túzeı almapty, qateligin aıtqan saıyn yzalana túsipti. Bir kúni ákesi oǵan ishi shegege toly bir jáshik berip: (qalaı oılaısyzdar ary qaraı ne bolady?)
«Mańaıyndaǵylarmen ár janjaldasyp qalǵan saıyn taqtaıǵa bir – bir shegeden qaǵyp otyr», - dep tabystapty. Alǵashqy kúni – aq balasy taqtaıǵa kóp shege qaǵyp, tabystapty. Kelesi kúnderi de az bolmapty. Osy qarqynymen, álgi taqtaıdy toltyrýǵa asa kóp ýaqyt jumsamapty. (endi ne boldy, kim qalaı oılaıdy?)
Taqtaıdyń tolǵanyn kórgende ákesi oǵan: «Endi sol kisilermen jeke – jeke tatýlas. Ár tatýlasqan saıyn bir shegeden sýyryp otyr», - deıdi. ( sizderdiń oıyńyzsha bala ne ister edi?) Biraz kúnder ótipti. Bir kúni qarasa, qaǵylǵan bar shege sýyrylyp bitken eken. Sonda ony syrttaı baqylap júrgen ákesi balasyn taqtaıdyń aldyna ertip ákelip: (Ákesi ne aıtady?)
«Balam, jaraısyń, jaradyń, - depti, - alaıda myna taqtaıǵa jaqsylap turyp qarashy? Shegelerdi sýyrǵanda qalyp qoıǵan oryndaryn, qaraıǵan kóp tesikti kórip tursyń. Taqta áýelgisindeı taza qalpynda, ádemi bolyp qalmady. Adamdarmen qarym - qatynasyńdy buzǵan saıyn arada jaman sózder aıtylady. Ár renish sóz kóńilde myna shegeniń orny tárizdi bir – bir daq qaldyryp otyrady, sondyqtan eshkimniń kóńiline kirbiń uıalatpaǵaısyń, balam», - degen eken ulyn sabyrǵa shaqyryp, ómirlik umytylmas sabaq uqtyryp.
Qandaı áser aldyńyzdar?

Bul tapsyrmanyń maqsaty: Oqýshy men ata - ana, muǵalim arasyndaǵy kıkiljińdi boldyrmaıtyn qarym - qatynas ornatý bir biriniń jan dúnıesine úńilip, túsine bilýge, syılastyq, meıirimdilik, ádildik pen adaldyqqa shaqyrý,
Kelesi ádis tásilimiz «Altyn taq» dep atalady. Myna oryndyq taqtyń mindetin atqarady. Osyǵan otyryp armandaryn aıtqan adamdardyń armandary tolyq oryndalady. Men sizderdi «Altyn taqqa» otyryp armandaryńyzdyń oryndalýyna qadam jasaýlaryńyzdy suraımyn.
Bul tapsyrmanyń maqsaty ata - ana muǵalim oqýshy úshtiginiń birin - birinen ne kútetindigin anyqtap berý úshin qoldanylady.
Nazarlaryńyzǵa rahmet! Sizdermen jumys jasaǵanyma óte qýanyshtymyn.