InfoHub Logo

Biz Qazaqstan patrıotymyz!

Maqsaty: Oqýshylarǵa elimiz qabyldaǵan Ata zańnyń ómirlik qajettiligin uǵyndyrý, zańdy ómirde qoldana bilýge úıretý; quqyqtyq saýattylyǵyn jetildirý, zań negizinde óz quqyǵyn talap ete bilýge baýlaý; patrıottyqqa tárbıeleý.
Kórnekilik: ınteraktıvti taqta, sýretter, zań kitaptary.

Uıymdastyrý.
Dóńgelek stol
Gımn
İ. Ata zań týraly málimet
İİ. Bala quqyǵy jáne mindetterimen tanystyrý
İİİ. Slaıd
Vıdeo

1 – bólim. Baıandama
1 - júrgizýshi:
Qazirgi tańda elimiz táýelsizdigin alyp, ońy men solyn tanyp, bary men joǵyn túgeldep jatqan tusta memleketimizdiń qabyldaǵan Konstıtýsıasy el damýynyń tús baǵdary boldy desek qatelespeımiz. Memleket degenimiz belgili bir terıtorıasy, shekarasy, rámizderi, ulty bar jalpyhalyqtyq uıym desek, sol qazaq ultynyń tólqujaty – Ata zańy. Eger tarıhqa kóz júgirter bolsaq Ata zańymyzdyń negizi sonaý yqylym zamandaǵy Esim hannyń «Eski jolynan» bastaý alyp, Qasym hannyń «Qasqa joly» men Áz táýkeniń «Jeti jarǵysy» jalǵastyrdy. Sol zamanda - aq ortaq zańǵa bas ıip, aýyzdary dýaly, sózderi dana bılerdiń sheshimderimen kelisip otyrǵan. Qazaq halqynyń beıbit tynysh zamanda ómir súrýine Tóle bı, Áıteke bı jáne Qazybek bıdiń úlesteri kóp boldy. Qazirgi ýaqytta elimizdiń búgini men bolashaǵy búkil álemdi súısindirip otyr. Qazaq eli dúnıeni moıyndatyp qana qoımaı, jasampaz jarqyn qýatymen kósh bastap keledi. Bul táýelsizdigimizdiń altyn tuǵyry – Ata zańymyzdyń arqasy.
Zań – búkil halyq moıyndaǵan jalpylama qabyldanǵan erejeler jıyntyǵy.

2 - júrgizýshi:
Respýblıkamyzda zań shyǵarý jumysymen Parlament aınalysady. Parlament halyq depýtattarynan qurylady.
Parlament
↓
Senat ---------------------------- Májilis
(joǵarǵy palata) ------------- (tómengi palata)

Prezıdenttiń jarlyǵy men ókimderin, Parlament qabyldaǵan túrli zańdary Qazaqstan Respýblıkasynyń Úkimeti júzege asyryp otyrady.
Úkimet
Úkimetti Premer - mınıstr basqarady
Barlyq sharýashylyq salalary
Halyqtyń ál-aýqatyn jaqsartý
İshki tártip jáne qorǵanys