Ata-analardyń kelisimimen mektepterde birneshe pán aǵylshyn tilinde oqytylmaq
Bilim jáne ǵylym mınıstri Erlan Saǵadıev Almatydaǵy ustazdar qaýymymen kezdesýinde mektepterdegi pánderdi aǵylshyn tilinde oqytý "ata-analardyń kelisimi" boıynsha júretinin málimdedi dep jazady Kazdala.kz.
2018 jyldan bastap jaratylystaný ǵylymdary aǵylshyn tilinde oqytylýy múmkin. "Qazaqstan tarıhy" páni joǵarǵy synyptarda - qazaq tilinde, "Dúnıejúzi tarıhy" orys tilinde oqytylmaq.
"Ústimizdegi jyldyń kúzinen bastap júzdegen jańa synyp aǵylshyn tilinde oqı bastaıdy. Qazir 2 700 oqytýshy 120-dan astam mektepte aǵylshyn tilinde oqytyp júr. Aǵylshyn tilindegi pánderdi oqytý ata-ananyń jazbasha ruqsatymen ǵana júredi", - dedi mınıstr.
Mınıstrdiń sózinshe, bıyldan bastap bes myńnan astam muǵalim til kýrstarynan ótedi. Sondaı-aq, Saǵadıev joǵarǵy synyptarda tórt pándi aǵylshyn tilinde 2018 jyldyń aıaǵyna taman oqyta bastaıtyndyǵyn málimdedi.
You Might Also Like
-
Bıylǵy jyly halyqaralyq olımpıadalardyń jeńimpazdary da UBT-ǵa qatysatyn bolady.
-
Endi 2 aıdan keıin elimizdiń orta mektebin birneshe ondaǵan myń oqýshy aıaqtap, joǵary oqý oryndarynyń talapkerleri qataryna qosylady. Osyǵan oraı QazAqparat Qazaqstannyń joǵary oqý oryndary qaýymdast...
