Bıyl halyqaralyq olımpıadalardyń jeńimpazdary UBT-dan bosatylmaıdy
Bıylǵy jyly halyqaralyq olımpıadalardyń jeńimpazdary da UBT-ǵa qatysatyn bolady.
Bul týraly óńirlik komýnıkasıalar qyzmetinde «2016-2017 oqý jylynda jalpy orta bilim berý mektepterindegi qorytyndy atestattaýdyń jańa formaty» taqyrybynda ótken baspasóz máslıhaty barysynda Pavlodar oblystyq bilim berý basqarmasy basshysynyń orynbasary Jomart Qarambaev málim etti dep habarlaıdy pavlodarnews.kz.
«Erekshe úlgidegi atestatqa úmitkerler men "Altyn belgi" ıegerleri, jalpy bilim berý pánderi boıynsha halyqaralyq, respýblıkalyq olımpıadalardyń, ǵylymı jobalar boıynsha túrli saıystardyń jeńimpazdary jalpy negizde test tapsyratyn bolady. Degenmen mundaı sanattaǵy túlekterge jeńildikter qarastyrylǵan. Máselen, eki talapker de teń dárejede upaı jınaǵan bolsa, "Altyn belgi" nemese erekshe atestat ıegerine basymdyq beriledi. Test tapsyrmalarynda Baıan Esentaeva týraly sıaqty orynsyz suraqtar bolmaıdy. Saýaldardy daıyndaıtyn Astanadaǵy sarapshy toptyń ishine pavlodarlyq belgili ustazdar da kirgen», - deıdi Jomart Qarambaev.
Eske sala keteıik, byltyr 2016 jyly QR «Bilim týraly» Zańynyń mektep bitirýshilerin UBT-ǵa qatysýdan bosatý bóligine ózgerister engizýge baılanysty sońǵy úsh jylda jalpy bilim beretin pánder boıynsha halyqaralyq olımpıadalar men baıqaýlardyń jeńimpazdary atanǵan 43 mektep bitirýshi ulttyq biryńǵaı testileýden bosatylǵan bolatyn.
You Might Also Like
-
Elordalyq oqýshylar qoǵamdyq-gýmanıtarlyq olımpıadada 6 altyn, 7 kúmis, 9 qola medal jeńip aldy.
-
Bilim jáne ǵylym mınıstri Erlan Saǵadıev Almatydaǵy ustazdar qaýymymen kezdesýinde mektepterdegi pánderdi aǵylshyn tilinde oqytý "ata-analardyń kelisimi" boıynsha júretinin málimdedi dep ja...
