InfoHub Logo

Sabaqtyń taqyryby: Atty, mine, azattyqtyń aq tańy!
Sabaqtyń maqsaty:
a) Oqýshylardy týǵan jerin, elin, otanyn súıýge, qazaq eliniń qaharmandaryn umytpaı, olardy úlgi tutýǵa shaqyrý, Qazaqstan týraly bilimderin keńeıtý.
á) Otany úshin otqa túsetin eljandy azamat etip tárbıeleý. Oqýshylardyń patrıottyq sezimin qalyptastyrý.

İ - júrgizýshi:
Táýelsizdik – eldigim men erligim,
Soǵan súıin, Súısine alsań sen búgin!
Maqtan soǵan, Qýan soǵan baladaı,
Soǵan arnap jer jahannyń ter gúlin!

İİ - júrgizýshi:
Táýelsizdik – azattyǵyń máńgilik,
Sony jyrla, Sony shyrqa án qylyp!
Sony ǵana áspetteýge arnalsyn,
Barsha dástúr, Barsha ónege, Bar ǵuryp!

İ - júrgizýshi:
Armysyzdar, Egemendi eldiń azat halqy!
İİ - júrgizýshi:
Qaıyrly kún, qymbatty qonaqtar, ustazdar, ata - analar, Táýelsiz Qazaqstannyń bolashaǵy – jarqyn ul men qyzy! Búgin sizder 9 «á» synyp oqýshylarynyń «Atty, mine, azattyqtyń aq tańy» atty ashyq tárbıe saǵatyn tamashalaýǵa qosh keldińizder!
İ - júrgizýshi:
Babalar amanat etken Qazaqtyń kıeli, Uly dalasynyń Uly tulǵalarynyń qurmetine arnalǵan búgingi kesh tabaldyryǵymyzda turǵan Táýelsizdiktiń 20 jyldyq merekesine arnalmaqshy.

1 - oqýshy:
Jalǵasyp soǵys órti san ǵasyrǵa,
Biz kórdik has dushpannyń baltasyn da.
Elime táýelsizdik kelip jetti,
Myń jyldyq kúresterdiń arqasynda.

Jańǵyrdy halqymyzdyń myń óshkeni,
Bar munda san urpaqtyń úlesteri.
El úshin máńgilikke jalǵasady,
Aqyl - oı, ar - namystyń kúresteri.

2 - oqýshy:
Toılanyp myń mereke, ulys kúni
Quıylǵan shańyraqtan yrys nury.
Halqymnyń baqyty úshin az baılyq pa,
Táýelsiz elimizdiń tynyshtyǵy.

İshki jaý balaǵyńnan tartpasyn kep,
Syrtqy jaý pále - jala jappasyn tek.
Men ár kez otyramyn Táýelsizdik,
Qadirin bilmegennen saqtasyn dep!

3 - oqýshy:
Shattyq nury shashylyp zeńbirekten
Shýaǵyn kún tógedi endi kókten.
Shylbyr úzdi dalanyń arǵymaǵy,
Táýelsizdik jalaýyn jelbiretken.

Dúbir qosyp ózińdeı sáıgúlikke
Aq boz attyń aldynan jandy úmit te.
Tý ǵyp ustap ańsaǵan azattyqty,
Qazaqstan bet aldy máńgilikke!

4 - oqýshy:
El boldyq erik aldyq Astanaly,
Endi kimnen qazaǵym jasqanady.
Táýelsiz memlekettiń shejiresi,
Nursultannyń atymen bastalady.

Bıik usta táýelsizdik jalaýyn,
Birlik dostyq beıbitshilik qalaýyn
Mereıli jyl 20 jylyń qutty bolsyn
Baq ketpesin ár úıińnen qazaǵym.

İ - júrgizýshi:
Qurmetti ustazdar, oqýshylar! Qazaqqa táýelsizdik ońaılyqpen kelgen joq. Tarıh betterine sholý jasasaq, talaı batyrlarymyz Otanymyzdy at ústinen túspeı qorǵap, qan keshken bolatyn. Bir ǵana HİH ǵasyrdyń ózinde otarshyldyqqa qarsy kúresken batyrlarymyz qanshama?! Keshegi Syrym Datuly, Eset batyrlar, Isataı Taımanuly, Kenesary Qasymuly, Jeltoqsan oqıǵasynyń ul men qyzdary!..

İİ - júrgizýshi:
Táýelsizdikti tý etken Kenesary kóterilisi keshegi keńes ókimeti kezinde «feodaldyq monarhıalyq qozǵalys» dep, al Kenesary týraly jazǵandary bas bostandyǵynan aıyrǵan bolatyn. Alaıda, qazaq halqynyń sońǵy hany – Kenesary Qasymuly zamanynyń kemeńgeri, memleket qaıratkeri, kóregen strategi, batyr bolǵan adam.
İ - júrgizýshi:
Ol 10 jyl boıy (1837 - 1847) basynan baqaıshaǵyna deıin qarýlanǵan patsha ókimetiniń turaqty áskerine qarsy kúresken, sońynan úsh júzdiń batyrlaryn erte bilgen, óte aqyldy adam bolǵan. «Tarıh qıanatty keshirmeıdi», olaı bolsa, qurmetti kórermender búgingi keshte sizder ádilettilik qashanda jeńiske jetetindigine kýá bolasyzdar.
İ - kórinis: (kórinis: «Táýelsizdik týy – han Kene!»)