Eki jyldy zarmenen
Ótkizdi jýrnal «Aıqabyń».
Alashty tegis aralap,
«Aıqabym» jaıyn baıqadyń.
Ońyna jurttyń súıinip,
Teriske basty shaıqadyń.
Alabyńa jıyldy
Bilgishi hár bir taıpanyń.
Muń-muqtajdy kúzettiń
Kórsetip órnek baıtaǵyn.
Oqýshyń otyr qumar bop,
Taǵy da bar ma aıtaryń?
«Aılyq júris alys» dep,
Aıynda eki shyqqanyń.
«Shabyndyq erge, namys» dep,
Óz boryshyńdy uqqanyń.
Júrek qanyn, kóz jasyn
Qaınattyń qozǵap jurt qamyn.
Túzý jolǵa salam dep,
Adasyp teris yqqanyn.
Aqıqatty týra aıtyp,
Jasqanyp, jasyp buqpadyń.
Az pulmenen kóp qaırat
Kórsettiń órlik, syrttanym!
Qazaqtan shyqqan júırikter
Kórsetti kózge shabysyn.
Qalamy ótkir bilimpaz
İİİashty alysqa dabysyn.
«Alash!» dep uran shaqyrdy,
Jurtynyń joqtap namysyn.
Jarqyrap janǵan juldyzdaı
Uqtyryp aıqyn hár isin.
Kóńili jabyq, kózi kór
Bilsin qaıdan mánisin?
Jolbasshy bolǵan zattarǵa
Abyroı, baqyt darysyn.
Jomarttyqta birinshi
Oryn alǵan el edik.
Úsh teńgeden ólmespiz,
Kel, myrzalar, berelik.
Bilgishterdiń sońynan
Shubyryp biz de erelik.
Gazettiń sózi ertegi -
Erigip jazǵan demelik.
Tolyqsyp keshe turǵanda -
Biz kimderden kem edik?
Kemitken jaýyz nadandyq,
Nadandyqtan bezelik.
Gazet-jýrnal oqysań,
Kózińdi, qazaq, ashasyń.
Dúnıe halin bilmeseń,
İlgeri qalaı basasyń?
Igilik joldan tartynba,
Bekerge de shashasyń.
Óner-bilim tisteı me,
Sheginip nege qashasyń?
Sarǵaıyp jatqan bir ǵarip
Jiberdi jazyp batasyn.
Halyqqa shashyp jemisin
Jasasyn «Aıqap», jasasyn!

---