InfoHub Logo

Saýsaq sanaý

Basbarmaǵym – baqanym,
Bas murasy atanyń!
Suq saýsaǵym – keregem,
Shańyraqty demegen!
Ortan saýsaq – shańyraq,
Keń jaıylǵan tamyr ap!
Aty joǵy – túndigim,
Túsiretin kún nuryn!
Eń sońǵysyn surasaq,
Ýyq bolsyn shynashaq!

* * *     * * *     * * *     * * *

Al, sanańdar!

Al, sanańdar, sanańdar,
Bizde qansha adam bar?
Aldymda:
Atam, ájem,
Aldymda:
Ákem, anam.
Bilmeseńder, bilińder,
Taǵy saýsaq búginder.
Aldyma:
ápkem, kókem,
«Aman júrsin inim», - der.
Ózim baramyn, inim bar.
Kip – kishkentaı kúnim bar.
Qansha boldyq bárimiz?
Shunaq qulaq bes eshki,
Qos laqty qos eshki,
Tórt qozyly eki qoı
Bári nesheý, aıta ǵoı?
(On toǵyz)

* * *     * * *     * * *     * * *

Bir degeniń – besigindi túzediń

Bir degeniń – besigindi túzediń,
Eki degeniń – Egemendi el dediń.
Úsh degeniń – ana tilim asylym,
Basqa tilden mártebesin asyrdyń.
Tórtinshińiz tórelikten taımaǵan,
Nursultandy han taǵyna saılaǵan.
Bes degeniń – berekeli bolǵany.
Alty degeniń – uranyń aıbynyń asyrǵan
Jeti degeniń – tý ustadyq jasyldan
Segizinshi salt-dástúrin oralǵan.
Toǵyzynshy atyń ketti alysqa,
Toqtar bastap qazaq ushty ǵaryshqa
On degeniń – oryndalyp oıdaǵyń
Naýryzyńdy óz máninde toıladyń.

* * *     * * *     * * *     * * *

Bir – bilim al

Bir – bilim al,
Eki – erlik kórset,
Úsh – úlgi tut,
Tórt – tártip kerek,
Bes – bestik baǵa al,
Alty – alǵys al,
Jeti – jeńis bizdiki,
Segiz – senim kerek.
Toǵyz – toqý kerek,
On – oqý kerek.

* * *     * * *     * * *     * * *

Al sanaıyq, sanaıyq

Al sanaıyq, sanaıyq,
San syryna qanaıyq!
Bir saýsaqty jumaıyq,
«Bir sany», - dep uǵaıyq!
Eki saýsaq jumaıyq
«Eki san» - dep tynaıyq!
Úshinshisin jumaıyq,
«Úsh sany» - dep shyǵaıyq!
Taǵy birin jumaıyq,
Tórt sanyna ylaıyq.
Judyryqty jumaıyq,
"Bes boldy» - dep uǵaıyq.
Oń qoldyń endi bireýin,
Taǵy da eptep jumaıyq,
«Alty san», - dep uǵaıyq,
Ekinshisin jumaıyq,
«Jeti san» - dep uǵaıyq!
Úshinshisin jumaıyq,
«Segiz ǵoı» - dep tynaıyq!
Taǵy bárin jumaıyq,
Toǵyz sanǵa ylaıyq.
Judyryqty jumaıyq,
«On boldy» - dep uǵaıyq.

* * *     * * *     * * *     * * *

Onǵa deıin sanaý

Bir degenim – besik,
Shyqtyq sodan ósip,

Eki degen – Elim,
Dalam, taýym, kógim.

Úsh degenim – Úmit,
Úmit aptar jigit.

Tórt degenim – tózim,
Tóze bilem ózim.

Bes degenim – Baqyt,
Baǵalaıtyn ýaqyt.

Alty degen – Aqyl,
Tyńdaǵanyń maqul.

Jeti degen – jalaý,
Júrektegi alaý.

Segiz degen – sóziń,
Sert beretin keziń.

Toǵyz degen – toqtaý,
Eldiń joǵyn joqtaý.

On degenim – Otan,
Qorǵa ony, botam!

* * *     * * *     * * *     * * *

İsker tıin

Qalmaý úshin ashyǵyp
Qysqy azyǵyn kesh qamdap,
Qambasyna tasydy
BİR,
EKİ,
ÚSH,
TÓRT,
BES jańǵaq.

Uıqydan ol asyly
Kórgen emes kesh órip.
Búgin taǵy tasydy
BİR,
EKİ,
ÚSH,
TÓRT,
BES órik.

Al, al ...
Bizdiń Qanat pa?
Qaıta-qaıta esinep,
Aldy eskertý sabqta
BİR,
EKİ,
ÚSH,
TÓRT,
BES ret.

* * *     * * *     * * *     * * *

Qoshaqandy qaıraý

Qyzyl-jasyl dalany
Kezgin kelse shamaly,
Tatqyń kelse basqa dám,
Qoshaqanym, bas qadam

Ońǵa qaraı BİR atta –
Bas qoıasyń bulaqqa.
Solǵa qaraı BİR atta –
Toıyndasyń quryqqa.

BİR,
EKİ,
ÚSH,
TÓRT atta,
Júgir,
Sekir,
jortaqta.
Tamaq ózi kelmeıdi
úıden shyqpas qorqaqqa.

* * *     * * *     * * *     * * *

Torǵaı men mysyq
Kózi birden túsip,
Dep:
«Bul ádemi as bolmaı ma?»
Qadam basty mysyq.
Bir ...
Eki ...
Úsh ...
- Torǵaı,
Torǵaı,
ush!

* * *     * * *     * * *     * * *

Bir, Betiń óte kir.

Bir,
Betiń óte kir.
Eki,
Beıbasqa jeki
Úsh,
Umtyl alǵa tús.
Tórt,
Beske oqý - sert.
Bes,
Belesterden jeldeı es.
Alty,
Antty buzbaý - ata salty.
Jeti,
Qoıdyń semiz eti.
Segiz,
Qozdasyn qoı egiz.
Toǵyz,
Aram aıýan - dońyz.
On,
Torqadan artyq ton.

* * *     * * *     * * *     * * *

Bir degenim - belin

Bir degenim - belin,
Eki degenim- egin,
Úsh degenim - úki,
Tórt degenim - tól,
Bes degenim - bekire,
Alty degenim - adam,
Jeti degenim - jemis,
Segiz degenim - seń,
Toǵyz degenim - toń,
On degenim - oń,
On bir bolady odan soń.

* * *     * * *     * * *     * * *

B-dan bastalady - bıe de,
E-den bastalady - egin de,
Ú-den bastalady - úlek te,
T-dan bastalady - tóbe de,
B-dan bastalady - besik te,
A-dan bastalady - atan da,
J- dan bastalady - jent de,
S-dan bastalady - seń de,
T-dan bastalady - ton da,
O-dan bastalady - oqý da,
On bir oıǵa toqý da kerek.

* * *     * * *     * * *     * * *

Bir úıde on balamyz

Bir úıde on balamyz,
Bir-bir jastan aramyz.
Bir jastaǵy - Birjan
Ekidegimiz - Eljan
Úshtegimiz — Úsen
Tórttegimiz - Tóken
Bestegimiz - Beken
Altydaǵymyz - Arqan
Jetidegimiz - Jeten
Segizdegimiz - Sóken
Toǵyzdaǵymyz - Toıtan
Ondaǵymyz- Oıqan
Jastarymyzdy qosyńyz,
Qosyndysy qansha osynyń?

* * *     * * *     * * *     * * *