InfoHub Logo

Jambyl oblysy, Merki aýdany
№17 I.I.Trýbısyn atyndaǵy orta mektep-gımnazıanyń
6 "b" synyp oqýshysy: Erbol Ajar
Jetekshisi: Namysova Mahabbat Asqarqyzy

 

Meniń aty-jónim - Erbol Ajar. Men Jambyl oblysy, Merki aýdayndaǵy № 17 Trýbısyn atyndaǵy orta mektep-gımnazıasynyń 6 "b"- synyp oqýshysymyn. Men oqý ozatymyn jáne qoǵamdyq is-sharalardyń belsendileriniń birimin. Ózim bı bılep, án aıtyp, dombyra tartqandy unatamyn. Orys tilinde oqytylatyn synypta bilim alyp júrsem de, ózimniń ana tilimdi óte jaqsy meńgerip, týǵan tilimde taza ári saýatty sóıleýge tyrysamyn. Sebebi, meniń armandarym kóp. Keleshekte taza bilimim men saýattylyǵymnyń arqasynda barlyq armandarymdy júzege asyrǵym keledi. Jaqynda meniń kishkentaı armandarymnyń biri oryndaldy. Men Býrabaıda ornalasqan Respýblıkalyq balalardy saýyqtyrýǵa arnalǵan "Baldáýren" lagerinde demalyp qaıttym. Sol jıyrma kúnge sozylǵan qyzyqty demalysymnan alǵan áserimmen bóliskim keledi.

Men tórtinshi aýysymnyń "Jaqsylyq aıy - Áz Naýryz" atty maýsymnyń 4- tobynda boldym. Bizdiń tárbıeshi - ustazdarymyz Dınara apaıymyz ben Igemberdi aǵaıymyz edi. Bizdiń tobymyzdy únemi alǵa jetelep, jeńisterge umtyldyryp, ýaqytymyzdy kóńildi ári umytylmasaı etip uıymdastyrǵandary úshin bul asyl jandarǵa alǵysym sheksiz. "Biz - sulýmyz, baldaımyz, Baldáýrendi tańdaımyz!"-dep urandap júrip biz "Olımpıa", "Áz Naýryz", "Bı morofony", "Sport-ıntellekt" ,t.b. qyzyqty sharalarǵa qatysyp, bilimimizdi ushtap, biletinimizdi kórsete aldyq.

Baldáýren meni aıyrylmas dostarmen tabystyrdy. Olardyń qatarynda Vıka, Adıa, Elnýra jáne Ásemaı atty qyzdar bar. Tamasha dostarymmen áli de tatýlyqta, syılastyqta hat jazysyp, habar alysyp turamyz. Baldáýren - árbir baldáýrendik balanyń júreginde máńgilik saqtalyp qalatyn asyl armany, ǵajaıyp ertegisi dep bilemin.

---