InfoHub Logo

Pavlodar oblysynda 2015-2016 oqý jyly 43 mektep bitirýshi ulttyq biryńǵaı testileýden bosatylady. Bul týraly búgin oblys ákimdiginde ótken keńeıtilgen otyrysta bilim berý basqarmasynyń basshysy Baqyt Bekseıitova málim etti.

"2016 jyly QR «Bilim týraly» Zańynyń mektep bitirýshilerin UBT-ǵa qatysýdan bosatý bóligine ózgerister engizildi. Atalmysh zańǵa sáıkes UBT-ǵa qatysýdan sońǵy úsh jylda jalpy bilim beretin pánder boıynsha halyqaralyq olımpıada jáne konkýrstardyń jeńimpazdary ǵana bosatylady. Bıylǵy jyly Pavlodar oblysynda mundaı oqýshylardyń sany - 43. Sonymen qatar, oqý jylynyń aıaǵyna deıin taǵy da toǵyz mektep bitirýshisi Máskeý qalasynda halyqaralyq konkýrstarǵa qatysýdy josparlap otyr", - dedi B.Bekseıitova.

Vedomstvo basshysynyń aıtýynsha, joǵaryda atalǵan bolashaq túlekterdiń ishinde № 3 gımnazıada tórt oqýshy, daryndy er balalarǵa arnalǵan oblystyq qazaq-túrik lıseıinde 14 oqýshy, "Zerde" mektebinde bir oqýshy, № 1 mektep lıseıinde eki oqýshy, oblystyq kóp salaly lıseı ınternatynda eki oqýshy, «Jas daryn» mektebinde segiz oqýshy, № 10 mektep lıseıde eki oqýshy, Pavlodar qalasynyń № № 9,19,25 mektepterinde úsh oqýshy jáne Ekibastuz qalasynyń №№ 22, 26 mektep gımnazıasynda bes oqýshy synaqqa qatyspaıdy, dep habarlaıdy pavlodarnews.kz

---