InfoHub Logo

Taqyryby: «Jol erejesin bileıik, aman - esen júreıik»
Maqsaty: Balalardyń jolda júrý erejesin meńgertý daǵdysyn qalyptastyrý. İs júzinde jol erejesin saqtaýǵa úıretý.
Baǵdarshamnyń atqaratyn qyzmetimen tanystyrý.
Kóshe jaǵdaıyndaǵy keńistikti baǵdarlaı bilý daǵdylaryn, zeıinderin damytý. Jolda júrý erejelerin meńgertý.
Sózdik jumys: baǵdarsham, jol tártibin retteýshi, kóshe qıylysy.
Kórnekilikteri: Baǵdarsham maketi, jol belgileri.

Tárbıeshiniń kirispe sózi.
- Búgingi «Jol erejesin bileıik, aman - esen júreıik» atty tárbıe saǵatyn tamashalaýǵa qosh keldińizder! Jol erejesin bilý ómirimizdi jazymnan saqtandyrady. Onyń syryn bilip, jol erejesin oryndaý barshamyzǵa kerek.
Psıhologıalyq trenıń. «Dostyq sheńberi» sálemdesý.
Ul - qyz sálem beremiz,
Ónegeli órenbiz.
Bizder - qazaq balasy,
Sálem - sózdiń anasy.
Tárbıeshi: - Balalar taqtadan ne kórip turmyz?
Balalar: kósheler, kólikter.
Tárbıeshi: Joldar qandaı bolady?
Balalar: Tegis joldar, keń joldar, tar joldar, uzyn joldar, qysqa joldar.
İzdenister uıymdastyrý: Astananyń kósheleri keń, úlken qalamyzda kólikter kóp.
Tárbıeshi: - Balalar men senderge jumbaq jasyraıyn.
Tóbesinde shyraǵy,
Jolaýshynyń pyraǵy.
Barasyń dep qaı jaqqa,
Aldyn kútip turdy.
Shahmattyń taqtasy,
Sekildi onda tańba bar.
Bul qaı kólik?(taksı)
Tárbıeshi: - Bárekeldi! Bizdiń qalada kólikterdiń túrleri kóp eken.
Búgingi tárbıe saǵatymyzda jolda júrý erejelerin esimizge túsirip, jaıaý júrginshilerge arnalǵan belgilerdiń tańbalarymen tanysyp, aıaldama tańbalardyń belgisimen tanysamyz.

1. Óleń shýmaqtarymen ortaǵa:
Sanap ketsek siz ben biz,
San kólikke minemiz.
Troleıbýs, tramvaı,
Avtobýspen júremiz.

2. Kólik, kólik,
Kólikterge minemiz.
Kóshelermen, kóshelermen,
Kúnde tynbaı júremiz.

3. Jol júrýdiń tártibin,
Erejesin bilemiz.
Saqtaǵanda qaterden,
Saý - salamat júremiz.

4. Kóshede baǵdarsham bolmasa,
Kisi joq jón silter ózińe.
Kidirme, abyrjyp onda asa,
Sengeısiń ózińe kózińe.

5. Kóshede ortaǵa jetkenshe,
Áýeli kóziń sal sol jaqqa.
Balaqaı, ortadan ótken soń,
Moınyń sal sol jaqtan oń jaqqa.

6. Men bilemin, bárin deme,
Otyrǵan joqsyń bólmede.
Mashına ótip ketkesin,
Jolaýshy alǵa bettesin.

Tárbıeshi: Meniń úsh kózim bar,
Bir kózim «kidir» deıdi.
Bir kózim «abaıla» deıdi,
Bir kózim «qarap qalma» deıdi.
Baǵdarsham týraly taqpaq kim biledi?
Meniń atym «baǵdarsham», Jaqsy bilem mindetimdi,
Meken - jaıym turaqty. Múdirmeımin eshqashan.

«Baǵdarsham» oıynyn oınatý.
Sharty: Balalar dóńgelenip turady, baǵdarsham qyzyl tústi kótergende - balalar bir adym artqa jyljıdy. Sary tústi kótergende sol orynda tapjylmaı turady. Jasyl tústi kótergende bir adym aldyǵa jyljıdy. (oıyn 3 ret qaıtalanady)
Balalar, kóshede biz tar jolmen, ıaǵnı jıek jolmen júremiz.