InfoHub Logo

Búgin Pavlodar oblysy ákimdiginde ótken alqa májilisinde aımaq basshysy Bolat Baqaýov "Serpin" baǵdarlamasy boıynsha bıylǵy jyly oqý ornyn aıaqtaıtyn alǵashqy túlekter legin júz paıyz jumyspen qamtýdy tapsyrdy, dep habarlaıdy pavlodarnews.kz.

«Kúni keshe ǵana Bilim jáne ǵylym mınıstrliginiń ókilimen kezdesý barysynda ońtústik óńiri jastarynyń júz paıyzy bizdiń aımaqta qalýǵa nıet bildirip otyrǵanyn aıtqan bolatyn. Olarǵa baspana bere almaımyz. Degenmen árqaısysymen jeke jumys istep, eńbekaqysy jaqsy jumyspen qamtý kerek. Tipti, osy jastardyń arasynda otbasymen birge qonys aýdarǵysy keletinder de bar. Shilde aıyna deıin serpindikterdiń qandaı kásiporynda jumys isteıtinin naqty bilý kerekpiz. Eger de júz paıyz jumyspen qamtıtyn bolsaq, bul oblys úshin jaqsy kórsetkish bolmaq», - dedi Bolat Baqaýov.

Oblystyq bilim berý basqarmasynyń basshysy Baqyt Bekseıitovanyń aıtýynsha, «Máńgilik el jastary - ındýstrıaǵa» áleýmettik jobasy boıynsha óńirdegi alty kolejde elimizdiń ońtústik óńirlerinen kelgen 393 stýdent bilim alady. Bul - tehnıkalyq, bıznes, kólik jáne komýnıkasıa, hımıa-mehanıkalyq, Krasnoarmeıka agrarlyq-tehnıkalyq, Aqsý qalasynyń Jaıaý Musa atyndaǵy kolejderi. Tehnıkalyq jáne bıznes kolejinde oqıtyn 67 stýdenttiń 20-sy "Informatıka", 23-i sút ónimderi óndirisi, 24-i azyq-túlik óndirisi salasynyń mamandary atanady.

---