BǴM grant sharttaryn oryndaýdy baqylaıdy
QR Bilim jáne ǵylym mınıstrligine qarasty «Qarjy ortalyǵy» AQ jáne «Nur Otan» partıasynyń saıası menejment mektebi ózara yntymaqtastyq týraly memorandýmdy rásimdedi, dep qarjy ortalyǵynyń baspasóz qyzmeti habarlaıdy.
Atalǵan qujattyń aıasynda «Qarjy ortalyǵy» aksıonerlik qoǵamy «Nur Arman» atty jobanyń oryndaýshysy - Saıası menejment mektebine grant ıegerleriniń qoıylǵan sharttardy oryndaýyn baqylaýǵa kómektesetin bolady. «Nur Arman» jobasynyń basty maqsaty - jetim qalǵan balalarǵa jáne áleýmettik qorǵaýǵa alynǵan toptaǵy talantty, keleshegi bar jastarǵa álemniń úzdik joǵary oqý oryndarynda bakalavrıat baǵdarlamasy boıynsha bilim alýǵa múmkindik berý.
«Búginde «Nur Otan» partıasy aımaqtyq fılıaldary osyndaı jastardy izdestirip otyrady. Al Astanada arnaıy qurylǵan komısıa úmitkerlerdi sońǵy irikteýden ótkizedi. Osy ýaqytqa deıin 9 adam «Nur Arman» jobasy aıasynda bilim grantynyń ıegeri atandy. Qazir olar Ulybrıtanıa,Qytaı, Malaızıa men Reseıdiń jetekshi ýnıversıtetterinde bilim alýda», -delingen resmı habarlamada.
You Might Also Like
-
2017 jyldyń 10 sáýirinen Astana qalasynda memlekettik balabaqshalarǵa joldamalar www.astana.kz portaly arqyly elektrondyq túrde beriletin bolady.
-
Elordalyq oqýshylar qoǵamdyq-gýmanıtarlyq olımpıadada 6 altyn, 7 kúmis, 9 qola medal jeńip aldy.
