InfoHub Logo

Batys Qazaqstan oblysynda bıyl 10 myń turǵyn «Qaztest» synaǵynan ótpek.

Bul týraly Ortalyq komýnıkasıalar qyzmeti óńirlik fılıalynda oblystyq tilderdi damytý basqarmasynyń basshysy Mahambet Ihsanǵalı málim etti.

Onyń aıtýynsha, QR Bilim jáne ǵylym mınıstrligine qarasty ulttyq test ortalyǵynyń maquldaýymen oblystyq tilderdi damytý basqarmasy uıymdastyryp kele jatqan «Qaztestiń» aldaǵy synaqtary sáýir, maýsym jáne jeltoqsan aılaryna josparlanǵan. Qazirdiń ózinde 3 myńǵa jýyq adamnan test tapsyrýǵa ótinish túsken. Tilderdi qoldaný men damytýdyń 2011-2020 jyldarǵa arnalǵan memlekettik baǵdarlamasynda belgilengenindeı, 2020 jyly oblys turǵyndarynyń «Qaztestpen» qamtylýyn 90 paıyzǵa jetkizý kózdelýde.

Óńirde atalmysh synaq 2013 jyly bastalǵan bolatyn. Sol jyly - 2002, 2014 jyly - 1500, 2015 jyly - 2200, 2016 jyly 2063 adam «Qaztestke» qatyssa, bıylǵy aqpan aıynyń 20-28-i aralyǵynda Oral qalasy men Bórli, Terekti, Shyńǵyrlaý aýdandarynda 2079 adam óz baqtaryn synady.

Aıta keteıik, qazirgi tańda aýmaqty damytý baǵdarlamasyndaǵy maqsatty ındıkatorlyq kórsetkishke sáıkes oblys turǵyndarynyń 75 paıyzy memlekettik tildi jetik meńgergen. Olardyń qataryn 2020 jylǵa qaraı 95 paıyzǵa jetkizý maqsatynda josparly jumystar jyl saıyn atqarylyp keledi. Mysaly, memlekettik tildi oqytý kýrsymen 2014 jyly - 850, 2015 jyly 805 adam qamtyldy. Olardyń 150-i - memlekettik qyzmetshiler. 2016 jyly 665 adam kýrstan ótken bolsa, bıyl 670 adamdy oqytý josparlanyp otyr. 

---