InfoHub Logo

Bar álemniń bastaýy-ana. Ana úsh-aq áripten quralǵan , aıtylýy ońaı osy bir sózdiń uly maǵyna ekeni bárimizge málim. Degenmen bul sózdiń qadir-qasıetin biletinder az. Ananyń qadirin ár adam ár alýan jaǵdaılarda túsinedi. Ana men bala arasyndaǵy mahabbat eń asyl sezim. Al meniń anama degen bala mahabbatym 16 jyldyq ǵumyrymnyń ishindegi erekshe artqan tusy dál osy jasymda. Múmkin , osy ýaqytqa deıin bul sózdiń qandaı maǵyna ekendigine jiti mán bermegen bolarmyn.Keı adamdar anasyn joǵaltqannan keıin baryp ózegin ókinish kernep ókinip jatady. Degenmen Allaǵa sansyz shúkirshilik anam qasymda bolǵan sátte onyń qadirin bile alǵanym úshin.Ár pendeniń ómirindegi Alladan keıingi meıirbany, qamqorshysy ol - ana! 

Meniń anam - meniń eń asyl baılyǵym. Ana úshin balanyń bıik beles baǵyndyryp, abyroıly bolýy úlken maqtanysh. Anamnyń maǵan kórsetken qamqorlyǵynyń birin tilge tıek eter bolsam ol myna bir kez. Bir kúni túski ýaqytta sabaq qarap otyrdym. Degenmen oıym shashyrap , uıqy qysyp otyrdy. Azǵyrýshy kúshterde "uıqta , keıin oqısyń" degen azǵyn oılardy saldy. Sol sátte anam bólmeme kirip keldi, qolynda táttileri bar maǵan ákelgen bolatyn.Men kishkentaı balasha qýanyp, anamdy qushaqtap alǵys aıttym. Sondaı jaǵymdy ystyq sát! Anamnyń maǵan degen senimin, mahabbatyn kórgennen keıin ózime "Gúlbarshyn, sen ne úshin oqymaýyń kerek?! Sen oqysyn dep jaǵdaı jasap otyrǵan ata-anań bar. Osy jandardyń razylyǵyn alyp, úmitin aqtaý úshin oqy!"dep óz-ózimdi qaırap, jigerlendirdim. Sol sátte maǵan jalqaýlyqqa jol bermeý kerektigin túsindim. 

Ár adam úshin álemniń qaı buryshynda bolsaq da biz úshin jan-tánimen aman-saý júrýimizdi tilep , shynaıy jaqsy kóretin jalǵyz adam - ATA-ANAMYZ. Qos baılyǵymyz qasymyzda júrgen sátte tym quryǵanda jyly sózben qýantpasaq , keıin ókingennen múlde paıda bolmasy anyq! 

Berdiqan Gúlbarshyn

---