Biliktilik testileýden ótken muǵalimderdiń jalaqysy 1 qyrkúıekten bastap kóteriledi
Bıyl ulttyq biliktilik testileýden 160 myń muǵalim ótedi. Bul týraly Bilim jáne ǵylym vıse-mınıstri Sholpan Qarınova málim etti.
Ulttyq biliktilik testileýdi ótkizý máseleleri boıynsha BǴM ótkizgen onlaın baspasóz máslıhatynda Sholpan Qarınova bul syn - jalpy bilim salasy, muǵalimder men pedagogıkalyq mamandar úshin óte mańyzdy suraq ekenin atap ótti.
«Barshańyz biletindeı, elimizde «Pedagogtar mártebesi týraly» zań qabyldanyp, muǵalimderdiń naqty mindetteri aıqyndalǵanyn, júktemelerin azaıtýǵa baılanysty mınıstrdiń birneshe ustanymyn buǵan deıin jetkizgen edik. Zań aıasynda birneshe normatıvtik-quqyqtyq qujattar qabyldandy.
Ulttyq biliktilik testileý – jalpy muǵalimdi atestattaýdyń eki kezeńiniń birinshisi. Birinshi kezeńi – ádettegideı testileý arqyly ótkiziledi. Testileý kezinde muǵalimder óz pánderine baılanysty biliktiligin kórsetedi. Ádisteme boıynsha suraqtarǵa jaýap berip, atestattaýdyń ekinshi kezeńine joldama alady», — dedi vıse-mınıstr.
Onyń aıtýynsha bıyl ulttyq biliktilik testileýge 160 myńǵa jýyq muǵalim qatysady.
«Bıyldan bastap JOO-lardyń pedagogıkalyq mamandyqtary boıynsha túlekteri osy testileýge qatysa alady. Testileýdiń ekinshi kezeńi muǵalimniń eńbegin keshendi taldaý boıynsha ótkiziledi. Onyń nátıjesinde muǵalimderdiń bári de óz eńbekaqylaryn 1 qyrkúıektan bastap 30-dan 50 paıyzǵa deıingi aralyqta ósire alady. Bul – muǵalimdi qoldap, eńbegin baǵalaýǵa baılanysty jumystar. Sondyqtan ulttyq biliktilik testileýdiń mańyzy joǵary. Ústimizdegi jyldyń 2 maýsymy kúni úrdis barlyq óńirde bastaldy», — dedi ol.
You Might Also Like
-
QR Bilim jáne ǵylym mınıstri Asqat Aımaǵambetov pedagogtardy artyq sharýadan bosatý jumystary týraly aıtyp berdi.
