Bir muǵalim — bir kamera: Bıyl muǵalimder ulttyq testileýden qalaı ótedi
Bıyl muǵalimderdiń ulttyq biliktilik testileýi «Bir muǵalim – bir kamera» qaǵıdasy boıynsha ótedi. Bul týraly Ulttyq testileý ortalyǵynyń dırektory Dıdar Smaǵulov málim etti.
«Testileý qaǵaz túrinen kompúterge kóshti. Osylaısha test barysyn odan ary jiti baqylaýǵa múmkindik týyp otyr. Iaǵnı ótken jylda 100 adam otyratyn bir aýdıtorıada 3-4 kamera bolsa, qazirgi qaǵıda — «bir adam – bir kamera». Osy format baqylaýdy kúsheıtýge óte zor múmkindik beredi», — dedi Dıdar Smaǵulov onlaın baspasóz máslıhatynda.
Onyń aıtýynsha, 2019 jyly mamyr aıynda ótken ulttyq biliktilik testileý kezinde tyıym salynǵan 20 412 zat tabylǵan.
«Al qarasha aıynda jańa formatta ótken testileýde tek 750 tyıym salynǵan zat anyqtaldy. Iaǵnı bul jaǵdaı birneshe ese qysqardy. Sonymen birge bizdiń jumysymyzdyń ashyqtyǵyn nyǵaıtý úshin arnaıy monıtorıg toby jasaqtaldy. Sybaılas jemqorlyq agenttigimen qurylǵan arnaıy monıtorıń toby árqashan bizben birge testileýdi baqylaıdy», — dedi ol.
Aıta keteıik, buǵan deıin Sholpan Qarınova bıyl ulttyq biliktilik testileýden 160 myńnan astam muǵalim ótetinin habarlaǵan bolatyn. Testileýden ótken muǵalimderdiń jalaqysy 1 qyrkúıekten bastap kóteriledi.
You Might Also Like
-
Bıyldan bastap mektep dırektorlary men olardyń orynbasarlary attestasıadan ótip, eńbekaqysyn kóbeıte alady. Bul týraly QR Bilim jáne ǵylym mınıstri Asqat Aımaǵambetov aıtyp berdi.
-
QR Bilim jáne ǵylym mınıstri Asqat Aımaǵambetov óziniń esep berý kezdesýinde 2019 jyly jáne 2020 jyldyń tórt aıynda atqarylǵan jumystar týraly baıandap bergen bolatyn. Sonyń negizinde jasalǵan bilim...
