Muǵalimder kúnine eki qujatty ǵana toltyrady — Asqat Aımaǵambetov
QR Bilim jáne ǵylym mınıstri Asqat Aımaǵambetov pedagogtardy artyq sharýadan bosatý jumystary týraly aıtyp berdi.
«Pedagog jumysynyń sapasy oqýshylardyń bilim sapasyna tikeleı áser etedi. Sondyqtan, pedagog artyq sharýamen aınalyspaýy kerek. Balalardyń bilimi men tárbıesine jumys isteıtinin túsinýi kerek. Sondyqtan, biz ári qaraı pedagog mártebesin kóterýdi, áriptesterimizdi qoldaý men damytý úshin jaǵdaı jasaýdy jalǵastyramyz», — dedi mınıstr Feısbýk jelisinde halyq aldynda esep berý barysynda.
Onyń aıtýynsha, muǵalim júktemesin azaıtý úshin qujattar sany da qysqartylǵan.
«Endi muǵalimder kúnine eki qujatty ǵana toltyrady. Bul jumystardy qaıtadan qarastyryp jatyrmyz. Bul tek mektep muǵalimderine emes, mektepke deıingi uıymdardyń, kolej, joǵary jáne joǵarǵy bilimnen keıingi uıymdardyń pedagogtaryna qatysty. Pedagog tikeleı óz fýnksıalarymen ǵana aınalysýy kerek. Tekserýshilerge esep berý syndy máselelerdi qaıta qarap, shekteýlerdi alyp tastadyq», — dedi A. Aımaǵambetov.
You Might Also Like
-
Bıyl tamyz aıynda bilim jáne ǵylym mınıstrligi jazǵy mektepti iske qospaq. Bul týraly Bilim jáne ǵylym mınıstrligi uıymdastyrǵan onlaın brıfıńide aıtyldy.
-
Bıyl ulttyq biliktilik testileýden 160 myń muǵalim ótedi. Bul týraly Bilim jáne ǵylym vıse-mınıstri Sholpan Qarınova málim etti.
