InfoHub Logo

Túrkistan qalasynyń «Keremet» bastaýysh mektep-balabaqsha kesheninde «Pedagogıkalyq ıdeıalar jármeńkesi» ótti.

Qazirgi tańda sapaly bilim berý máselesi qoǵamdy tolǵandyryp otyr. Oqýshylardyń bilim deńgeıi zamanaýı talapqa saı bolýy qajet. Sol sebepti ustazdar, tárbıeshiler ár sabaǵyn sapaly túrde uıymdastyryp, ádis-tásilderdi tıimdi qoldana bilýi shart. Mektepte alǵan bilimin ómirde qoldana alatyndaı etip, sabaqty qurý muǵalimderden kóp shyǵarmashylyq izdenisti talap etedi. Ol úshin eń aldymen ár ustaz únemi óz bilimin jetildirý jáne óz shákirtterin tulǵa retinde taný kerek. Uly Abaıdyń «Adamnyń qasıeti úsh-aq nárse, «nurly aqyl, ystyq qaırat, jyly júrek» demekshi, shákirttiń aldyna barý úshin jetkilikti bilimiń bolýy kerek. Sol tájirıbeńdi uǵyndyrý úshin tıimdi tásilderdi qoldana bilýi jáne ustazdyq qundylyqtardy ustaný qajet. Ár ustazdyń óziniń ózindik pedagogıkalyq ıdeıalary bolýy qajet.

Osy oraıda, mamandardy qyzmetke beıimdeı otyryp, kásibı biliktilikterin arttyrý, shyǵarmashylyq qabiletin jetildirý, teorıa men tájirıbeni ushtastyra otyryp, kásiptik quzirettilikterin nyǵaıtý jáne ujymdyq qarym - qatynasqa psıhologıalyq beıimdeý, ózara tájirıbe almasý maqsatynda Túrkistan qalasynyń «Keremet» bastaýysh mektep-balabaqsha kesheninde uzartylǵan kún toby tárbıeshileri arasynda «Pedagogıkalyq ıdeıalar jármeńkesi» ótkizildi. Pedagogıkalyq is-shara joǵary deńgeıde ótti.  Uzartylǵan kún toby tárbıeshileri jumystarynyń jańashyldyǵyna, bilim berýdegi zamanaýı tehnologıalardy qoldanýyna, uıymdastyrýshylyq qabiletine jáne sóıleý sheberligine baǵa berildi. İs-sharada tárbıeshilerimiz sabaq barysynda qandaı ádis-tásilderdi qoldanatynyn, jalpy pedagogıkalyq ıdeıalaryn, olardy dáriste qalaı qoldanatynyn qorǵap shyqty. Mektepshilik pedagogıkalyq ıdeıalar jármeńkesi kóptegen aýqymdy taqyryptardy qamtıdy. Bul jármeńkede jańa pedagogıkalyq tehnologıalar arqyly oqýshylardy izdeniske talpyndyryp, fýnksıonaldyq saýattylyqtyryn arttyrý maqsatynda qatysýshylar ártúrli tyń taqyryptarmen tanystyrady degen oıdamyn. Pedagogtar jıyny barysynda «Qazirgi ýaqytqa deıingi jetistikter mol. Desek te, atqarylǵan jáne atqarylmaq jumystar barshylyq», - dep, kelgen uzartylǵan kún toby tárbıeshileri óz tájirıbelerimen bólisip, master-klass kórsetip, oı-pikir almasty, tájirıbelerimen bólisti. 

Mektep dırektory Qýatbekova Raıhan Tursymatqyzy is-shara sońynda qorytyndy sóz alyp, jeńimpazdar men qatysýshylardy marapattap, aldaǵy jumystaryna sáttilik tiledi. Jármeńkege kelgen kórermender, shaqyrylǵan qonaqtar tarapynan «Tárbıeshiler izdenisteriniń nátıjesi úlgi tutarlyq eken. Oqýshylardyń dúnıetanymyn keńeıtip júrgen izgi jandarǵa árdaıym shyǵarmashylyq tabys tileımiz», - dep ystyq lebizderi aıtyldy.

Bımyrzaeva Aıkerim Mahanbetqyzy

Túrkistan oblysy, Túrkistan qalasy 

"Keremet" bastaýysh mektep-balabaqsha kesheni dırektorynyń tárbıe isi jónindegi orynbasary 

---