InfoHub Logo

2019 jyldyń 8 qarashasynda qalalyq bilim bólimimen birlesip, Túrkistan oblysy, Túrkistan qalasy «Keremet» bastaýysh mektep-balabaqsha kesheninde jańartylǵan bilim mazmuny boıynsha bastaýysh synyp muǵalimderine arnalǵan «Oqý úderisinde keri baılanys júrgizýdiń mańyzdylyǵy jáne túrleri» atty qalalyq semınar ótti. Semınar bilim berý men tárbıe júıesindegi jańashyl ádis-tásilderdi, oqytý quraldaryn, jańa pedagogıkalyq jáne bilim berý tehnologıalaryn izdenýge jáne qoldanýǵa ádistendirý maqsatynda ótkizildi. 
Mektep ujymy óz tájirıbelerimen bólise otyryp, joǵary deńgeıde ótkizdi. Semınarǵa qalalyq mektepterden kelgen 60-qa jýyq muǵalimder qatysty. 

Semınar Abaı Qunanbaevtyń 175 jyldyǵyna, qazaqtyń úsh báıtereginiń 125 jyldyǵyna jáne muǵalimderdiń shyǵarmashylyǵyna, oqýshylardyń qolónerine arnalǵan kórmesinen bastaý aldy. Semınardyń ashylýynda mektep dırektory Qýatbekova Raıhan Tursymatqyzy, dırektordyń oqý isi jónindegi orynbasary Nurymbetova Sáýle Seıtenqyzy sóz sóılep, semınar baǵdarlamasymen tanystyryp, kelgen barsha qonaqtarǵa sáttilik tiledi. 

Ári qaraı, kelgen qonaqtarǵa kóterińki kóńil syılaý maqsatynda, Berik Nazym ótkizgen «Kóńil kúı áleminde» atty trenıńpen jalǵasty. Mekteptiń bastaýysh synyp muǵalimderi pedagogıkalyq sheberlikterin kórsetip, tájirıbeni jaqstartý boıynsha úlgili sabaqtaryn usyndy. Sabaqtarǵa qatysqan muǵalimder josparlaý, belsendi oqytý tásilderin qoldanýdaǵy óz bilimderin tereńdetip, komandalyq oqytý úlgisin kóre aldy. Sabaqtarǵa taldaý jasaý, tildik daǵdyny damytý aspektilerin aıqyndaýǵa múmkindik berdi. Sabaqtaǵy qalyptastyrýshy baǵalaý men onyń ajyramas bóligi – muǵalimniń keri baılanysyn bilikti usyný qajettigin atap kórsetti.  

Aǵylshyn páni muǵalimi Arystanbekova Janat Qydyrbaıqyzynyń jetekshiligimen «Qyzyl telpek» mýzykalyq kompozısıasy qoıylymyn kórsetip, qatysýshylarǵa erekshe áser qaldyrdy.

Saralap oqytýdy júzege asyrý boıynsha keri baılanystyń túrleri men ádisterimen tanystyrý maqsatynda Nıazova Gúlchehra ótkizgen koýchıng muǵalimderdiń qyzyǵýshylyǵyn týǵyzdy. 

Uıymdastyrýshylar ózderiniń keri baılanystarynda semınardyń praktıkaǵa baǵdarlanǵan formatyn atap kórsetip, mektep muǵalimderine kásibılik jáne yntymaqtastyq atmosfera úshin alǵystaryn jetkizdi. 

Semınar sońynda qalalyq bilim bóliminiń ádiskerleri Esenǵaraeva Dınara men Abdýjapparova Marhıla qorytyndy sóz alyp, uıymdastyrýshy tarapty marapattap, kelgen qonaqtarǵa alǵys bildirdi.

Túrkistan oblysy, Túrkistan qalasy
«Keremet» bastaýysh mektep-balabaqsha 
kesheniniń muǵalimi
Bımyrzaeva Aıkerim Mahanbetqyzy

 

---