InfoHub Logo

Baıaǵyda bir kishkentaı qyz bolypty.

Bir kúni qyz jıdek tere barǵanda, bir kempirge kezdesedi.

— Amanbysyń, qyzym?—deıdi kempir.— Jıdegińnen bershi.

— Má, jeńiz, áje,— deıdi qyz.

Jıdekti jep bolǵan soń, kempir:

Qaraǵym, «syıǵa-syı, syraǵa-bal» degen,sen maǵan jıdegińnen berdiń, men de saǵan birdeńe berýim kerek,—deıdi.—Má, myna baqyrdy al.

«Bir, eki, úsh.

Baqyr, pis!»—deseń-aq, tátti, dámdi bókpen qaınap shyǵa keledi. Al sonsoń:

«Bir, eki, úsh.

Ottan tús!»—deseń, qaınaýyn toqtata qoıady.

Qyz:

— Raqmet, áje,— deıdi de, baqyrdy alyp, úıine, sheshesine keledi.

Baqyrdy kórip, sheshesi qatty qýanady.

Qýanbaǵanda she? Ol eshbir áýrelenbeı, tuıaǵy qımyldamaı-aq túske tátti, dámdi bókpen ázir turatyn boldy.

Bir kúni qyzy bir jaqqa ketkende, sheshesi baqyrdy aldyna qoıyp: «Bir, eki, úsh. Baqyr, pis!»—deıdi.

Baqyrda bókpen qaınaı jóneledi. Kóp bókpen pisip shyǵady. Qyzdyń sheshesi toıǵanynsha jeıdi. Al baqyrda bókpen qaınaı beredi. Qalaı toqtatpaqshy? «Bir, eki, úsh,

Ottan tús!»—deýi kerek, biraq muny umytyp qalypty, qyzy bolsa úıde joq. Baqyrda bókpen qaınaı beredi, qaınaı beredi. Bólme ishi bókpenge lyq tolady, dálizge, basqyshqa qaraı aǵady, búkil kósheni qaptap ketedi, ol qaınap shyǵa beredi.

Shesheı ne isterin bilmeı, qorqyp, qyzyn izdep syrtqa júgirip shyǵady, biraq kóshede býy burqyrap aǵyp jatqan bókpennen óte almaı, ańtarylyp qalady.

Abyroı bolǵanda, qyzy alysqa uzap ketpepti. Kóshedegi kól-kósir bókpendi kóre salyp, úıine qaraı júgirgen eken. Áreń-áreń basqyshqa shyǵyp, esikti ashyp:

«Bir, eki úsh.

Ottan tús!»—dep aıǵaı salady, baqyr bók pen qaınatýyn lezde toqtata qoıady.

Al onyń qaınatyp tastaǵan bókpeniniń moldyǵy sonsha — derevnádan qalaǵa attanar jolaýshy áýeli bókpen toly joldy jep, arshýy kerek eken.

Alaıda ol mashaqatqa eshkim de renjimepti. Óıtkeni bókpenniń dámdiligi men táttiligi sondaı keremet bolypty.

---