InfoHub Logo

2017 jyly bir muǵalimdi aǵylshyn tiline oqytýdyń quny aıyna 131 myń teńgeni quraıdy. Bul týraly QR Parlamenti Májilisiniń jalpy otyrysynda QR Bilim jáne ǵylym vıse-mınıstri Bıbigúl Asylova málim etti.

«Bir tyńdaýshyǵa shaqqandaǵy ortasha qun oqytýdyń deńgeıi men saǵattar sanyna baılanysty 400 myńnan 570 myń teńgege deıin jetedi. Sonymen qatar saǵattar sanynyń artýy, oqytý qunynyń aıyrmashylyǵy aǵylshyn tili muǵalimderin, onyń ishinde shetel mamandaryn tartýmen túsindirilip otyr. Atap aıtqanda, bul baǵaǵa tyńdaýshylar men jattyqtyrýshylardyń issapar shyǵystary eskerilip otyr, onyń ishinde jol aqysy, táýliktik aqsha, baspanada turý shyǵyndary qamtylǵan», - dedi B. Asanova.

Onyń sózine qaraǵanda, issapar shyǵyndaryn eseptemegende, bir tyńdaýshynyń bir aıdaǵy oqýynyń quny ortasha alǵanda 131 myń teńge shamasynda.  

Bul rette shetelge osylaısha oqytýǵa jiberilse, jumsalatyn qarjy aıtarlyqtaı joǵary bolady eken. Bul turǵyda Ulybrıtanıada - 666 myń teńge, Kanadada - 1 mln 365 teńge, sondaı-aq Qytaıda 437 myń teńgeni quraıdy.

Vıse-mınıstrdiń málimetinshe, 2017 jyly 12,5 myńnan astam pedagog aǵylshyn tilinde sabaq berý daǵdysyn jetildirý maqsatynda «bıologıa», «ınformatıka», «fızıka», «hımıa» pánderi boıynsha biliktilikti arttyrýdan ótetin bolady.

---