InfoHub Logo

Óz mamandyǵynda tabysqa jetken adamdar ortaq bir qasıetke ıe – olar áreket etedi jáne nátıjege qol jetkizedi. Bul qasıet aqyl-parasatty, daryn, óz tabysyńdy anyqtaı alý men tabysqa jetý qarqynyn da basyp ozady.

Aıtýǵa ońaı bolǵanymen, keıbir adamdar ǵana nátıjege qol jetkize alady. Áreket etýge daǵdylaný – ıdeıalardy iske asyrýdy ádetke aınaldyrý – nátıjege qol jetkizýdiń negizi. Tómendegi 7 ádiske nazar salyńyz.

1. Qolaıly jaǵdaıdy kútpeńiz

Eger qolaıly jaǵdaı týsyn dep kútetin bolsańyz, onda, bálkim siz eshqashan iske kóshpeısiz. Birese tańdaǵan ýaqytyńyz durys emes, birese naryq turaqty emes, birese básekelestik tym joǵary. Árdaıym birdeńe kedergi bolady da turady.

Shynaıy álemde is bastaýǵa qolaıly ýaqyt joq. Siz áreket etýdi bastaý kereksiz jáne týyndaǵan máselelerdi sheshý kereksiz. Eń qolaıly ýaqyt byltyr bolǵan. Ekinshi múmkindik – dál qazir.

2. İstiń adamy bolyńyz

İsti oılap emes, jasap jattyǵyńyz. Sportpen shuǵyldanýdy bastaǵyńyz kele me? Jańa til úırengińiz kele me? Dál búgin sonyń sáti túsip tur. Ideıany oılap júre bergen saıyn ol álsireı túsedi. Eki kúnnen keıin egjeı-tegjeıleri umytyla bastaıdy. Bir aptadan keıin ol oıyńyzdan tipti aınyp qalasyz. İstiń adamy bolsańyz, kóp nárseni iske asyrasyz jáne jańa ıdeıalardyń paıda bolýyna yqpal etesiz.

3. Ideıalar ózdiginen tabys ákelmeıtinin eskerińiz

Ideıa óte mańyzdy, biraq olardy iske asyrǵanda ǵana qundy bolady. Bir iske asyrylǵan ıdeıa óz ýaqytyn kútip júrgen myńdaǵan keremet ıdeıaǵa tatıdy. Eger sizdiń ıdeıańyz bolsa jáne oǵan senimdi bolsańyz, áreket etińiz. İske kirispeseńiz – bir orynda tura beresiz.

4. Qorqynyshty jeńý úshin áreketti paıdalanyńyz

Kópshilik aldynda sóıleýdiń eń qıyn bóligi – óz kezegińdi kútý ekenin baıqadyńyz ba? Tipti mamandanǵan sheshender men akterler de óner kórseter aldynda qobaljıdy. Olar sóıleı bastaǵanda, qobaljý joǵalady.

Áreket etý – qorqynyshty qashyrýdyń eń úzdik tásili. Birinshi ret áreket etip bastaý – eń qıyny. Bastap ketseńiz, ózińizge senimińiz artady, birtindep ońaı bola túsedi. Áreket etý arqyly qorqynyshtan arylyńyz jáne senimdilikpen tabysqa jol bastańyz.

5. Avtomatty túrde shyǵarmashylyq mehanızmin qosyńyz

Shyǵarmashylyq proseske qatysty eń qorqynyshty qatelik – shabyt bar kezde ǵana jumys óńedi dep oılaý. Eger siz shabyt keletin kúndi kútip jata beretin bolsańyz, onda siz sırek jáne úlken úzilispen jumys isteısiz.

Kútip júre bergenshe, shyǵarmashylyq mehanızmin avtomatty túrde qosyńyz. Eger sizge birdeńe jazý kerek bolsa, otyryńyz da, jazyńyz! Qolyńyzǵa qalam alyńyz. Oıyńyzǵa ne keledi, bárin jazyńyz. Tanys qımyl-qozǵalystardy jasaýmen mıdyń jumysyn durys baǵytqa salasyz.

6. Osy shaqta ómir súrińiz

Tap osy shaqta ne isteı alatynyńyzdy oılańyz. Bir apta buryn ne isteý kerek bolǵanyńyzdy oılap nemese erteń ne isteý keregińizdi oılap, ýaıymdamańyz. Siz tek tap osy shaqty ǵana ózgerte alasyz. Ótken men bolashaqty oılaı beretin bolsańyz – eshteńege qol jetkizbeısiz.

7. Birden iske kirisińiz

Ádette adamdar áńgimelesýdi jaqsy kóredi, tipti kishigirim áńgimelesý iskerlik kezdesýlerdiń negizine aınalyp barady. Bul ózi jalǵyz jumys isteıtin adamdarǵa da qatysty. Mańyzdy jumysqa kirispes buryn, poshta jáshigi men RSS-rıderińizdi qanshalyqty jıi tekseresiz?

Eger siz osyndaı zattardan bas tarta almaıtyn bolsańyz jáne iske birden kirisýdi úırenbeseńiz, nazardy basqa jaqqa aýdartatyn bul zattar sizge qymbatqa túsedi. Birden iske kóshetin adamǵa aınala otyryp, siz ózińizden ónimdiliktiń kózin tabasyz, al basqalar sizdiń boıyńyzdan kóshbasshylyq qasıetti baıqaı bastaıdy. 

---