InfoHub Logo

XXI-ǵasyr – qolyna qaǵaz ben qalam alyp, bolmashy dúnıe jazyp, kitap shyǵaryp, ózin jazýshy sezinip júrgenderdiń zamanyndaı kórinedi. Shyǵarylǵan kitaptar suranysqa ıe bolyp, halyqtyń ıgiligine jarasa kóńil qýantady. Al dúkennen satyp alynyp, úıdegi shkaf sórelerinde sývenır bolyp turýǵa ǵana jarasa ne bolmaq? 

Osy jyly el arasynda Qýanysh Shonbaı atty kásipkerdiń „Ekinshi bolma” kitaby qoldanysta boldy. Áleýmettik jeli paıdalanýshylarynyń kitap jaıyndaǵy pikirlerine qaraǵanda bul kitap – oqyǵan árbir adamǵa ózgeshe áser qaldyryp, jetkilikti paıdasyn tıgizgen. Maǵan da paıdasy tıip qalady-aý degen nıetpen kitapty oqydym. Túısigim qatelespepti. Kitap, avtor óz paıdasyn tıgizdi. Kitapqa qyzyqqanym sonsha 2 kúnde oqyp bitirdim. Avtor oıynyń, kitaptyń adamǵa tıgizetin paıdalary qandaı?

Kitaptaǵy maǵan unaǵany – avtor tiliniń qarapaıymdylyǵy. Bárimizge ortaq sózderdi qoldaný arqyly kitap jazǵanyn onyń jetistigi sanaımyn. Eger kitap ádebı stılde jazylǵanda oqyrman ony bilim alý úshin emes, jaı ǵana krýgozoryn keńeıtý úshin alar edi.

Kitapty oqyǵan basqa adamdarǵa áseri qandaı bolǵanyn bilmeımin. Kitap, ondaǵy oılar, aıtylǵan árbir sóılem maǵan shabyt syılady, motıvasıa berdi. Buryn dál osy janrda jazylǵan birneshe kitap oqyǵanmyn. Biraq olar orys tilindegi aǵylshyn avtorlarynyń jazǵany bolǵan soń olardan alarym az sekildi boldy. Al bul kitap árbir qazaqqa arnap jazylǵan soń, maǵan jaqyn kórindi. 

Kitap shyndyqtan quralǵan. Qazaqstandaǵy árbir adamnyń boıynda bar qasıetterdi alyp, eger olar jaǵymsyz qasıetter, oqıǵalar bolsa, odan shyǵatyn joldardy da aıtqan. Oqyrmandy ózine tánti etken kitaptyń ereksheligi osynda. Eger kitap fantasıka janrynda jazylǵanda, ony oqıtyndar sany sanaýly bolatyn edi. Kitap shyndyqtan quralǵan soń, onyń ishinde seniń boıyńda bar qasıetter men boıyńa kerek qajettilikter aıtylǵan soń, qalaı ony alyp oqymaısyń?! 

Mine, kitaptyń maǵan tıgizgen paıdalary – osy. Jeke tulǵa bolyp qalyptasýdy qalaıtyn adamdarǵa bul kitapty oqýǵa keńes beremin. Paıdasy bolmasa, kitaptyń zıan keltirmeıtinin eskertemin. Sáttilik oqyrman!

---