InfoHub Logo

Biz mingen vagon lezde lyq toldy. Adamnyń ár túrin kórdik. Ár jaqtan minsek te, bir-birimizben tez til tabysyp kettik. Bizben birge mektep oqýshylary da mingen bolatyn. Poezǵa mingennen kózime alǵash kóringen solar edi. Áńgimelese kele, olardyń qaıda, ne sebeppen bara jatqanyn bildim. 

Olar dástúrli án aıtýdan respýblıkalyq deńgeıdegi jarysqa bara jatyr eken. Kúni boıy dombyralaryn tastamaı, án aıtyp, jattyqty. Asqaqtaǵan daýysqa qazaqı dombyranyń kúmbiri qosylǵanda dástúrli ánniń ólmegenin sezinedi ekensiń. Dástúrli án – ult qazynasy. Osy qanatty sózdi uranyndaı kóretin jandardyń biri – osylar.

Men bul balalardyń ónerin kórgende, qatty qýandym. Olardyń „91” toby sekildi sheteldik juldyzdarǵa eliktemeı, elimniń dástúrli ánin tańdaýy janymdy jadyratty. Aıgúl Qosanova, Nurym Asqanovtar sıaqty Mańǵystaýdy álemge tanytatyn jańa urpaq ósip kele jatyr. Ónerdiń ólmeıtindiginiń bul da bir aıǵaǵy. Qońyr dombyraǵa qus qanatty áýen qondyrǵan ánniń bolashaǵy alda da bıik. Kúı men ándi kezektestire tartyp, olar bizge de shabyt syılady. Olardyń túsetin kezi keldi. Men olarǵa shyn júrekten sáttilik tilep, „Jolyń bolsyn, jolaýshy”- dep qala berdim.

---