InfoHub Logo

Allahtyń jaqsy klımat, mol sý, baǵaly jer asty qazynalaryna, ár túrli dúnıe nıǵmetterine baı qylǵan jáne teńdesi bolmaǵan otanymyz shynaıy musylmandarǵa muqtaj. Tek shynaıy musylmandar ǵana birigip, birin-biri izdep, jaqsy kórip jáne toqtamaı eńbek etip batystyń ǵylymy men bilim dárejesine jetip, tipti ony da asyp, kıeli otanymyzdy laıyqty dárejege deıin kóterýi múmkin. Islam dininde jamandyqtar jáne zıandy áreketter joq. Biraq Islam dinin jeke paıdasyn, saıasatyn, jaman ıdeologıalaryn iske asyrýda qural qylǵysy keletin munafyqtar (eki júzdiler) jáne adasqan aǵymdardyń propogandasyn jasap júrgender bar. Allahý ta'ala ondaı munafyqtar men adasqandardy aýyr azappen jazalandyrady.

Shynaıy musylman — tek dininiń, otanynyń órleýin jáne halqynyń paıdasyn oılaıtyn adam.

Naǵyz musylman — eshbir jaman propogandanyń tutqyny bolmaı, bir jaǵadan bas, bir jeńnen qol shyǵaryp, dinine jáne halqyna qyzmet etedi. Osylaısha ári dúnıede, ári ahırette Allahý ta'alanyń qut-berekesine qaýyshady. Musylmandar el ishindegi birlikke, tatýlyqqa, uıymshyldyqqa kóp mán berýi kerek. Memleketiniń damýy úshin materıaldyq jáne rýhanı turǵydan kúsh-qýat kózine aınalýy qajet. Din ilimderin jaqsylap úırenýi kerek, Allahtyń jáne quldarynyń aldyndaǵy mindetterin, boryshtaryn oryndaý kerek. Islamnyń kórkem minezimen bezenip, eshkimge zıan tıgizbeý kerek. Fıtna (búlik) shyǵarmaý kerek. Dinimiz osyndaı bolýdy ámir etedi.

---