InfoHub Logo

Bitim salty – halyq arasynda mańyzy zor, óte qıyn ári kúrdeli is. Bul – han, bı, aqsaqaldardyń aralasýymen bitetin eldik sharýa, óıtkeni onyń búgingi ǵana emes, aldaǵy birneshe jyldyq, tipti ǵasyrlarǵa ulasatyn áleýmettik, eldik qyzmeti men joly bar.

Erte zamandarda elaralyq jaýgershilik, soǵys, urys, jer daýy, jesir daýy, qun daýy sıaqty el, er namysyna tıetin iri qaqtyǵystar men urys-janjaldar bolyp turǵan. Ol qarýly qaqtyǵys, iri barymtalarǵa ulasyp, el-jurt tynyshtyǵy  buzylyp, elden birlik pen yntymaq qashqan. Mundaıda kektesken, óshtesken, esesi ketken el jıi shabýylǵa shyǵyp, onyń sońy kisi ólimine deıin ulasqan. Mine, osyndaıda eki eldi bitistiretin, kelisimge shaqyratyn «Bitim» tártiptik zańyn qoldanǵan. Mundaı «ara aǵaıyndyqqa» sózi ótimdi, bedeldi el aǵalary men batyrlar, bı, sheshender júrgen. Olar eki eldiń de ýájin tyńdap, qıyn jerde jol, ýájdi jerde sóz taýyp, birlikke, bitimge shaqyra bilgen. Ketken ese, shyqqan shyǵyn, kisi quny qaıtarylǵan. Mundaı bitim sońy basy aq úı amanat pen syı-syıapatqa, qyz alysyp, qyz berisken qudalyqqa, tós túıistirip, dostyqqa jalǵasqan. Bul bitimdi eki eldiń aqsaqaldary berik saqtap, eski daý-janjaldardy qozdyrmaýdyń, eske almaýdyń jón-josyǵyn, jolyn taýyp otyrýdy mindetine alǵan.

---