InfoHub Logo

Biz, qazaq, ejelden erkindik ańsaǵan!...- ádebı – mýzykalyq kompozısıalyq kesh.

Muǵalim: Elbasy N. Nazarbaev: «Bizdiń týymyz - táýelsizdik tilegimiz - beıbitshilik, tynyshtyq. Kúsh qoldaný men janjal ataýlyny boldyrmaýǵa bar erik - jigerimizdi aıamaımyz. Osy maqsat jolynda Qazaqstandaǵy barlyq ulttar ókilderiniń bir kisiniń balasyndaı, bir qoldyń salasyndaı kúsh biriktirýine múddelimiz»- degen edi. 1999 jyly «Urpaqtar birligi men sabaqtastyǵy jyly» dep jarıalanǵany barshańyzǵa aıan. Osy dataly jyldyń aıaqtalýyna da sanaýly kúnder qaldy. Osy ýaqytqa deıingi oqý - tárbıe úrdisinde atqarylǵan jumystardyń taǵy bir kýási retinde ot aýyzdy, oraq tildi bılerimiz ben dańqty batyrlarymyzdyń ónegeli isteri men tanystyryp eldikti, birlikti, tarıhı tulǵalardy dáripteý maqsatynda ótkizgeli otyrǵan «Biz qazaq, ejelden erkindik ańsaǵan» atty ádebı - mýzykaly kompozısıalyq suhbat keshimizdi bastaýǵa ruqsat etińizder.

1. (habarlaýsyz) «Balbyraýyn»Qurmanǵazy, kelesi tyńdaıtyndaryńyz Eńsepovtyń «Balbulaq» kúıi, oryndaıtyn dombyrashylar ansambli

Qýandyq: Este joq eski zamandardan qalǵan ańyzdarda jetim balany asyrap alǵan Bóri - ana osy jigitten ol bala tapqan eken deıdi. Ejelgi túrik qaǵandarynyń qabyrǵasyn qataıtyp, qanattaryn qaqtyrǵan osy ekeýi bolsa kerek. On balanyń eń kenjesi Ashyn eken. Búgingi búkil túrki halyqtary osy Ashynnan taraıdy. Basqa uldaryna ol qypshaq, qyrǵyz, tatar jáne t. b. at qoıǵan. Keıinirek kele ol adamdardyń attary túrki taıpalarynyń rýlyq ulystyń ataýlary bolyp qalyptasyp ketken.

Beglan: Men qazaqpyn
Erkindik úshin dúnıege keldim
Qanbóriniń kókiregin emdim
Asan Qaıǵymen jahandy sharladym
Muqaǵalıdiń muratyna endim
Abylaıhannyń Ordasyn kórdim
Naýryzbaıdyń sońynan erdim
Abaı bolyp bir ret týyldym!
Qabanbaımyn! Jánibekpin! Raıymbekpin!
Jaýymdy jeńdim!

Arýjan: Men qazaqpyn
Áıteke, Tóle tilegindemin
Qazybek bıdiń júregindemin
Qurmanǵazynyń kóńilindemin
Qajymuqannyń bilegindemin
Turarmen birge túrmede jattym,
Shoqanmen birge juldyz bop aqtym.
Qasym aǵa shyraǵym meniń
Qara óleń qarynym meniń
Shámshiniń ánimen
Úmittiń tańymyn
Qojasymyn taǵdyrdyń
Urpaǵymyn Jambyldyń!

Gúlnur: Men qazaqpyn
Jeti qazynam tonalǵandy
Araldaı sýaldym
Táýelsizdigim oralǵanda
Baladaı qýandym
Aqan Seriniń qulagerimin
Ál - Farabıdiń muragerimin
Oıran bolǵan Otyrardyń
Ólmeıtin kýágerimin
Batyrmyn - dastanmyn
Bandymyn - Ospanmyn
Armannyń bári meniki
Astyndaǵy aıly aspannyń!

Arýjan: Men qazaqpyn
Kóp emespin, az - aqpyn,
Nıetimmen aqpyn
Peıilimmen keńmin
Iesimin kıeli jerdiń!