InfoHub Logo

1-júrgizýshi: Qurmetti qonaqtar, oqýshylar, ustazdar, óner súıer qaýym! Qazaqstan Respýblıkasynyń halyq ártisi, Memlekettik syılyqtyń ıegeri, halqynyń súıikti ánshisi, kompozıtor Eskendir Hasanǵalıevtiń shyǵarmashylyǵyna arnalǵan
«Ómiri ónermen órnektelgen» atty mýzykalyq ádebı salonyna qosh keldińizder!

2- júrgizýshi: «Ómirge kishkene bolsa da iz qaldyrý - árbir ónershil azamattyń paryzy ǵoı.
Eń aldymen sondaı bir azamattyq boryshymdy ótesem deımin. Bir kezeńderde qaıǵysy men muńy kóp bolǵan, búgingi qýanyshy men baqyty mol halqynyń ótken jolyn, búgingisin mýzykanyń jandy tilimen júrekterge jetkizetin ánshi bolý meniń úlken armanym.

1-júrgizýshi: Óner keshiniń aldyńǵy satynda bolý - baqyt bolsa, sońynda qalý - óner adamy úshin qaıǵy - muń. Barlyq jandardaı meniń de muńaıǵym kelmeıdi...
Qaıta ásem ánder áýenimen ekinshi júrekke qýanyshty, tamasha ystyq sezimderdi tógildirsem eken dep kókseımin.» E. Hasanǵalıev

2- júrgizýshi: Esimi respýblıkaǵa, shetelderge tanymal, Qazaq elin dúnıe júziniń kóptegen elderge tanytqan ánshi - kompozıtor, jerlesimiz Eskendir Hasanǵalıev 2013 jyly 13 aqpanynda 73 jasqa tolady. Óziniń qońyr sazdy únimen, júrek tebirenter ásem ánderimen úlkenniń de, kishiniń de júregine jol tapqan Eskendir aǵamyzdyń ómirdegi, ónerdegi qadamdary ózgelerge ónege bolarlyqtaı. Ózi sazger, ózi oryndaýshy, talantty kompozıtor estradalyq mýzykany ulttyq boıaýmen, bar naqyshymen oryndap, án óneriniń tabıǵatyna tereń boılap júrgen dara tulǵalardyń biri.