InfoHub Logo

2016 jyly mektepti bitirip, arman qýyp alǵash ál-Farabı atyndaǵy Qazaq ulttyq ýnıversıtetiniń tabaldyryǵyn attaǵan kezim áli kúnge deıin esimde. Sheksiz qýanysh, ata-anamnyń aqtalǵan úmiti, armanǵa jaqyndaǵan bir qadam…

Bala kezimnen ál-Farabı atyndaǵy Qazaq ulttyq ýnıversıtetine túsýdi armandaǵan edim. Armanym oryndalyp, «Fızıka» mamandyǵy boıynsha memlekettik grant utyp aldym.

Ál-Farabı atyndaǵy Qazaq ulttyq ýnıversıtetine túskim kelgeniniń sebepteri óte kóp. Qala ishindegi «Kazgýgrad» qalashyǵy dep atalyp ketken ásem mekende stýdentterdiń bilim alýyna barlyq múmkindik jasalǵan. Ó.Joldasbekov atyndaǵy 1600 oryndyq stýdentter saraıy, TMD elderindegi jalǵyz úlken aýqymdy «ál-Farabı» kitaphanasy, sportkesheni men stadıon, jańa ǵımarattar, tehnopark, 5000 stýdentke arnalǵan stýdentter úıi, medısınalyq ortalyq jáne stýdentterge qyzmet etý ortalyǵy stýdentter ıgiligi úshin barlyq qyzmetti atqaryp otyr. 

Ál-Farabı atyndaǵy Qazaq ulttyq ýnıversıteti Elbasy N.Á.Nazarbaev tapsyrǵan jáne Qazaqstan Respýblıkasynyń bilim jáne ǵylym salasyn damytýdyń memlekettik baǵdarlamasyna engizilgen 2020 jyly álemniń eń úzdik 200 joǵary oqý oryndarynyń qataryna kem degende 2 qazaqstandyq JOO-nyń kirýi mindetin abyroımen oryndap shyqty. Qazaqstandyq ýnıversıtet QS jahandyq reıtıńisinde 165-orynǵa kóterilip, fenomenaldy serpilis jasady. QazUÝ halyqaralyq ǵylym jáne bilim keńistigindegi óziniń álemdik kóshbasshy ýnıversıtetter qatarynda ekendigin dáleldedi.

Álemdik joǵary bilim berý tarıhynda buryn-sońdy bolmaǵan qarqyndy damýdy kórsete otyryp, 9 jyl ishinde ýnıversıtet shamamen 500 orynǵa alǵa jyljydy. Álemdik reıtıńte qysqa ýaqyt ishindegi bundaı biregeı ilgerileý «ál-Farabı atyndaǵy Qazaq ulttyq ýnıversıteti fenomeni» dep atalyp sheteldik sarapshylar nazaryn ózine aýdartyp otyr. Ýnıversıtettiń jetistikteri bunymen shektelip qalmaıdy, bastysy bilimge degen qyzyǵýshylyq sónbese bolǵany bolǵany.

Men fızıka-tehnıkalyq fakúltetiniń, jylý fızıkasy jáne tehnıkalyq fızıka kafedrasynda bilim aldym. Bul fakúltettińde óz ishinde jetistikteri óte kóp. Mysaly, 2015 jyldyń 29 qyrkúıeginen bastap ál-Farabı atyndaǵy Qazaq ulttyq ýnıversıteti men Samsung Electronics Samsung Innovation Service akademıasyn oıdaǵydaı ıgerýde. Osy ýaqyt ishinde QazUÝ oqytýshylary «Radıotehnıka, elektronıka jáne telekomýnıkasıa» mamandyǵynyń stýdentteri úshin mobıldi qurylǵylarǵa arnalǵan baǵdarlamalyq jasaqtama jasaý boıynsha arnaıy kýrstar ótkizdi jáne Samsung Electronics usynǵan qurylǵylar men ınfraqurylym negizinde aqparattyq-kommýnıkasıalyq tehnologıalar men sıfrlyq sheshimder salasynda qoldanbaly ǵylymı-zertteý jumystaryn júrgizdi.

Bıyl «Fızıka» mamandyǵyn bitirip, ál-Farabı atyndaǵy Qazaq ulttyq ýnıversıtetiniń magıstratýra grantyn utyp aldym. Ol men úshin óte keremet jetistik.

Qorytyndylaı kele, osy Ál-Farabı atyndaǵy Qazaq Ulttyq ýnıversıtetiniń, fızıka fakúltetiniń, jylý fızıkasy jáne tehnıkalyq fızıka kafedrasynyń stýdenti bolǵanyma esh ókinbeımin, kerisinshe maqtan tutamyn.

Seken Gaýhar Sákenqyzy

---