InfoHub Logo

«Bolashaq» halyqaralyq stıpendıasy — azamattardyń sheteldik jetekshi joǵary oqý oryndarynda kúndizgi oqý nysany boıynsha oqýy nemese sheteldik uıymdarda taǵylymdamadan ótýi úshin Qazaqstan Respýblıkasy Prezıdentimen taǵaıyndalatyn stıpendıa.

«Bolashaq» halyqaralyq stıpendıasynyń ıegeri kim bola alady?

Baǵdarlamaǵa:

— magıstr, doktor dárejesin alýǵa

— rezıdentýrada oqýǵa

— taǵylymdamadan ótýge úmittenetin Qazaqstan Respýblıkasynyń kez kelgen azamaty qatysa alady.

Qujattardy qabyldaý 2017 jylǵy 29 mamyrdan 15 qyrkúıekke deıin júzege asyrylady. Biraq joǵary suranys sebebinen osy jyly qabyldaý 16 qazanǵa deıin sozylǵan.

«Bolashaq» halyqaralyq stıpendıasy árbir dáreje boıynsha bir ret taǵaıyndalatynyn eskerý mańyzdy bolyp tabylady.«Bolashaq» baǵdarlamasynyń aıasynda halyqaralyq stıpendıany taǵaıyndaýǵa jyl saıyn úlesteme belgilenedi.

«Bolashaq» baǵdarlamasy boıynsha túsý tártibi

I kezeń. Túsý úshin sanattardy anyqtaý

«Bolashaq» halyqaralyq stıpendıasy aıasynda QR azamattary magıstratýra, rezıdentýra, doktorantýra nemese taǵylymdamadan ótý baǵdarlamalary boıynsha túse alady.

Atalǵan bilim baǵdarlamalaryna:

— magıstr dárejesin alý úshin memlekettik qyzmetshiler

— magıstr dárejesin alý úshin ǵylymı nemese pedagog qyzmetkerler

— magıstr dárejesin alý úshin mádenıet qyzmetkerleri, shyǵarmashyl qyzmetkerler

— magıstr dárejesin alý úshin buqaralyq aqparat quraldary qyzmetkerleri

— magıstratýraǵa, rezıdentýraǵa, doktarantýraǵa, taǵylymdaǵa óz betimen túskender

— jalpy konkýrs sanatyna qatysýshylar túse alady.

II kezeń. Qajetti qujattardy daıyndaý

Qujattardy tapsyrý merzimderi týraly aqparat «Halyqaralyq baǵdarlamalar ortalyǵy» AQ resmı saıtynda jarıalanady. Qabyldaý merzimderi aldyn ala jarıalanady, sondyqtan barlyq qujattardy jınap, olardy «Halyqaralyq baǵdarlamalar ortalyǵy» AQ-ǵa usyný múmkindigińiz bar.

Oqýǵa túsýge úmitkerlerge tómende kórsetilgen qujattar paketin daıyndaý qajet:

— úmitker saýlnamasy

— memlekettik qyzmetshiler, ǵylymı nemese pedagog qyzmetkerler, ınjenerlik-tehnıkalyq qyzmetkerler, mádenıet qyzmetkerleri, shyǵarmashyl qyzmetkerler, buqaralyq aqparat quraldary qyzmetkerleri sanattary boıynsha konkýrsqa qatysýshy úmitkerler úshin Jumys organymen bekitiletin nysanǵa sáıkes jumys ornyn saqtaý shartymen mamandy daıarlaýǵa jumys berýshiniń ótinimi

— ýájdemelik hat

— usynym hat

— Jumys organymen bekitiletin úmitkerdiń toltyrylǵan saýlnamasy

— jeke kýáliktiń jáne tólqujattyń túpnusqalary men kóshirmeleri

— bakalavr nemese maman dıplomy jáne onyń qosymshasy

— 082-ý nysandaǵy densaýlyq jaǵdaıy týraly medısınalyq anyqtama

— eńbek qyzmetin rastaıtyn qujattar, sondaı-aq aýdarylǵan mindetti zeınetaqy jarnalar týraly úzindiler

— bar bolǵan jaǵdaıda, shet tili men memlekettik til boıynsha emtıhandy tapsyrý týraly sertıfıkat

sondaı-aq, sanatyna qaraı joǵaryda sıpattalǵan qujattardyń negizgi tizimine mynadaı qujattar qosa berilsin:

doktorantýra baǵdarlamasy boıynsha óz betimen túsetinder úshin:

— baǵdarlama, mamandyq jáne oqý kezeńin kórsetýmen akademıalyq oqýǵa shartsyz qabyldaý týraly qujat (talap etiletin deńgeıge deıin shet tilin bilý deńgeıin arttyrý boıynsha talaptar men qarjy talaptaryn qospaǵanda) memlekettik nemese orys tilderine notarıaldy rastalǵan aýdarmamen birge

— osy dárejeni alý úshin sheteldik jetekshi joǵary oqý ornymen kelisilgen jáne sheteldik jetekshi joǵary oqý ornymen belgilengen merzimderden aspaıtyn jeke oqý jospary

taǵylymdamaǵa túsetinder úshin:

— taǵylymdamadan ótý merzimderin, mamandyǵyn jáne qunyn (esepteýlerdi túsindirýmen) kórsetýmen taǵylymdamaǵa qabyldaıtyn sheteldik uıymnyń shartsyz shaqyrýyn rastaıtyn qujat (talap etiletin deńgeıge deıin shet tilin bilý deńgeıin arttyrý boıynsha talaptar jáne qarjy talaptaryn qospaǵanda), memlekettik nemese orys tilderine notarıaldy rastalǵan aýdarmamen birge

— qabyldaýshy jáne jiberýshi taraptar talaptaryna sáıkes jasalǵan jáne olarmen bekitilgen taǵylymdamadan ótý baǵdarlamasy

óz betimen túsetinder úshin:

— baǵdarlama, mamandyq jáne oqý kezeńin kórsetýmen akademıalyq oqýǵa shartsyz qabyldaý týraly qujat (qarjy talaptaryn qospaǵanda) memlekettik nemese orys tilderine notarıaldy rastalǵan aýdarmamen birge.

III kezeń. Oqý úshin mamandyqty jáne oqý ornyn tańdaý

Oqý úshin mamandyqty jáne oqý ornyn tańdaý úshin mynalar qajet:

— stıpendıa taǵaıyndalýy úshin basym mamandyqtar tiziminde mamandyqty tabý, onda ár mamandyqqa qarama-qarsy oń shetki baǵanda oqý múmkin bolatyn oqý elderi kórsetilgen

— mamandyqty jáne oqý elin anyqtaǵannan keıin Jetekshi joǵary oqý oryndarynyń tiziminen oqý ornyn tańdaý.

IV kezeń. Konkýrstyq irikteýdi júrgizý

Kelesi kezeń konkýrstyq irikteýdi júrgizý bolyp tabylady. Konkýrstyq irikteý 6 týrdan turady.

Birinshi týr kelesi kezeńerden turady:

— ýájdemelik jáne usynym hattar

— memlekettik tildi bilýge testileý

— shet tilin bilýge testileý

— keshendi testileý

— táýelsiz saraptamalyq komısıamen áńgimelesý

— respýblıkalyq komısıa otyrysy.

Almaty men Astana qalalarynda ótkiziletin shet tilin bilýge testileýdi qospaǵanda, barlyq kezeńder Astana qalasynda ótkiziledi. Konkýrstyq irikteýdiń qalǵan 5 týry Astana qalasynda ótedi. Ár úmitkerge testileý kúni týraly emtıhanǵa 5-6 kún buryn jeke habarlaıdy. Konkýrstyq irikteýdi júrgizýge jaýapty. «Halyqaralyq baǵdarlamalar ortalyǵy» AQ qurylymdyq bólimshesiniń qyzmetkerleri ár kezeńnen keıin 15 kún ishinde úmitkerlerdi nátıjeler jóninde habardar etedi.

«Bolashaq» halyqaralyq stıpendıasynyń ıegeri boldyńyz.

Respýblıkalyq komısıa «Bolashaq» stıpendıasyn taǵaıyndaý týraly sheshimdi qabyldaǵan kúnnen bastap 90 kúntizbelik kún ishinde stıpendıa ıegeri oqýǵa shartty jasaıdy. Shart oqýdy uıymdastyrý/taǵylymdamadan ótýdi uıymdastyrý boıynsha barlyq shyǵyndardy tóleýmen baılanysty aqshany aýdarý úshin negiz bolyp tabylady.

Derekkózi: egov.kz

---