InfoHub Logo

Bıyl sáýir aıynda Qazaqstan Respýblıkasynyń Prezıdenti Nursultan Nazarbaev óziniń «Bolashaqqa baǵdar: rýhanı jańǵyrý» atty  baǵdarlamalyq maqalasyn jarıalaǵan bolatyn. Jalpy rýhanı jańǵyrý biz úshin ózimizdiń umyt qalǵan dástúrimizge qaıta oralyp,tól arnamyzǵa – qazaqtyń ulttyq damý jolyna túsý dep túsinemin. Rýhanı jańǵyrý kezinde biz eń birinshi elin,jerin,jurtyn shyn súıetin urpaq tárbıeleý úshin, eń aldymen tarıhı sanamyz jańǵyrýy tıis. Osyndaı maqsatta  bizdiń mektepte kóptegen is-sharalar  ótkizilip jatyr. Keıbireýine toqtalatyn bolsaq, 5-9 synyptar arasynda «Rýhanı jańǵyrý – bilim áleminde» taqyryby aıasynda shyǵarma baıqaýy ótkizildi. Oqýshylardyń árbir shyǵarmalarynda ultyn,jerin súıgen júrek lúpili seziledi. Osy shyǵarma baıqaýy oqýshylarǵa tárbıelik mańyzy zor boldy dep úlken senimmen aıta alamyn.  Qazannyń 24 kúni saǵat 15-00 de 6-10 synyptar arasynda «Rýhanı jańǵyrý» taqyryby aıasynda jaıdarman merekelik keshi ótti. Bul jaıdarmannyń basty maqsaty oqýshylardy Elbasynyń eńbekterimen  keń aýqymdy tanysýǵa  múmkindikter týǵyzý. Oqýshylar osy taqyryp aıasynda ázil-qaljyńǵa toly jańalyqtaryn, tárbıelik mańyzy zor kórinisterin qoıyp shyqty. (1,2 – sýret).  Bul jaıdarmanda  joǵary deńgeıde óner kórsetip, taqyrypqa saı kórinisterin kórsetken 7 synyp oqýshylary boldy. Elbasynyń baǵdarlamalyq maqalasyndaǵy árbir basymdyqty ómirmen sabaqtastyrǵan bul merekelik keshke qatysqan árbir oqýshynyń  atalmysh is-sharadan alary kóp boldy Sonymen qatar, osy baǵdarlamalyq maqala boıynsha kóptegen dárister oqylyp, dóńgelek ústel júrgizildi.

Elbasy N. Nazarbaev óz Joldaýynda bilimniń saltanat qurýy dep, qazirgi tańda bilim baǵdarlamalarynyń elimizge utymdy úles qosyp kele jatqanyn aıta kelip, tabys tizgini – bilimdi bolashaq jastardyń qolynda ekenine basa nazar aýdardy. Sondaı-aq, Elbasy óz maqalasynda qazirgi jahandaný zamanynda ulttyq biregeılikti saqtap qalý, órkenıettiń jaqsysyn alyp, jamanynan jırený jóninde óte qundy pikirler aıtty. Endigi mindet – osy aıtylǵandardy iske asyrý jolynda aıanbaı eńbek etý.

«Rýhanı jańǵyrý» baǵdarlamasy aıasynda mektepte stend jáne mekteptiń syrtyna baner ilindi.

Lesqan Araılym, pedagog uıymdastyrýshy
«B.Syttanov atyndaǵy orta mektebi,
mektepke deıingi shaǵyn ortalyǵymen» KMM

---