InfoHub Logo

Bóspeleý bir saıatshy áńgime ústinde:

— Buıyryp turǵan nárse qashanda saǵan kez bolady eken, —  dep bastapty sózin, — ótken jyly aqpanda qar túse qalǵan bir kúni ańǵa shyqtym. Arǵymaqqa bergisiz kók atymdy quıysqandap minip bip qumdy alqapty endeı bir shoq qaraǵany bar alańqynyń shetine iline bergenimde, «ańshyǵa ajaldy ań kezigedi» degendeı bir qyzyl túlki qalbań etip, ilip baryp gý etip sart ete tústi.

Jetip kelsem bálemdi bastan sheńgeldegen eken, áreń aıyryp alyp, dereý artqy sanyn soıyp jiberip, qara etinen qusqa alyp berip toıattatyp aldym da, túlkini qanjyǵaǵa baılaı salyp úıge keldim. Terezeden:

— Kempir-kempir, ismer bolsań, endi kóreıin, orman qyzyl túlki ákeldim, — dedim de attan túse qalyp, qanjyǵama qarasam, túlkim joq, «eı» dep atyma qaıta minbek bolǵanymda, kempirim:

— Boldy, izdemeı-aq qoı, buıyryp turǵan bolsa, qashan da kezdesedi, — dep jibermeı qoıdy.

Keler jyly jeltoqsanda taǵy bir qar túse qalǵan kúni ańǵa shyǵyp, byltyrǵy sol araǵa taıaı bergende, bir túlki shyǵa keldi. Tomaǵany tartyp qaldym, daǵdylanyp alǵan qyran dál byltyrǵysynsha sheńbekteı tústi. Jetip baryp, soıaıyn dep aıaǵyn ustaı alsam, sıraq terisi ǵana eken. Abaılap qarasam appaq bolyp qýrap qalǵan súıekteri ǵana júr. «O, ǵajap, bul ne?» dep oılana qalsam, bul buıryq degendi qoısańshy, byltyrǵy qanjyǵamnan túsip qalǵan túlkiniń dál ózi eken, — degen eken.

---