InfoHub Logo

PAVLODAR OBLYSYNDA 144 MLN TEŃGE BÚDJET QARAJATY JYMQYRYLDY

Pavlodar oblysynda «Qýatty óńirler – el damýynyń draıveri» baǵdarlamasy aıasynda qonys aýdarýshylarǵa bólingen 144 mln teńge búdjet qarajaty talan-tarajǵa túskeni anyqtaldy. Bul iske «Ýspen aýdany karerlik ortalyǵy» fılıalynyń qyzmetkerleri qatysqan.

Tergeý derekterine súıensek, memlekettik baǵdarlama boıynsha qonys aýdarýshylarǵa turǵyn úı satyp alý úshin onyń qunynyń jartysy kóleminde ótemaqy tólenýi tıis bolǵan. Bul soma 4 mln teńgeden aspaýy kerek. Alaıda aıyptalýshylar úı ıelerine tómen baǵada (4 mln tg) úı satyp alýdy talap etip, al qujat júzinde joǵary baǵany (8 mln tg) kórsetken. Eki baǵanyń aıyrmasyna teń qarajat fılıal qyzmetkerleriniń qaltasyna túsken.

Alaıaqtyq sqemanyń nátıjesinde memleketke 144 mıllıon teńge kóleminde zalal kelgeni anyqtaldy.

Sot úkimimen eki adam kináli dep tanylyp, bireýi 5 jylǵa bas bostandyǵynan aıyryldy, ekinshisiniń 3 jylǵa bas bostandyǵy shekteldi. Úkim zańdy kúshine áli engen joq.