InfoHub Logo

Alma týraly gazetterde jıi-jıi jazylady. Bul tamasha jemistiń kún saıyn jańa paıdalary anyqtalýda. Solardyń birazy:

- Nú Iorktaǵy Kornel ýnıversıteti zertteý tobynyń qol jetkizgen málimetteri boıynsha almanyń quramyndaǵy antıoksıdandar jasýshlardyń zaqymdalýynyń aldyn alyp, deneniń qarsy turý qabiletin arttyrady jáne stresten paıda bolǵan zararlarǵa qarsy kúshti qorǵanys kózi bola alady.

- Jańa almanyń shyrynymen súrtilgen qyrtys jáne ájim teri jandanyp, jańarady. Teriniń túleýine, búırek jáne baýyr aýrýyna, tamyrdyń qataıýyna, ekzema men revmatızmge óte paıdaly alma shyryny sondaı-aq, sýyqqa, jótelge, tamaq aýrýyna, ystyq kóterilýine jáne túrli qabynýlarǵa da jaqsy.

- Alma shyryny as qorytý júıesin retteıdi. Jatardan buryn jelingen bir alma adamnyń jaqsy uıyqtaýyna kómektesedi.

- Quramynda 85% sý, 12% sheker, organıkalyq qyshqyldar, soda, fosfor, tanın jáne A, V 1, V 2, S, E, RR vıtamınderi bar bul keremet jemis quramyndaǵy organıkalyq qyshqyldar, soda jáne fosfordyń kómegimen mı, baýyr, asqazanǵa oń áser etedi. Tamaqtan buryn almany úkkishten ótkizip, túsi qaraıǵannan keıin jese as qorytý júıesin retteıdi. Shıki alma ish qatýǵa paıdaly.

- Alma sirkesi de ómir elıksıri bolyp tabylady. Balmen qosyp ishse, aǵzanyń ımýnıtet júıesine úlken paıdasyn tıgizedi. Quramyndaǵy kóp mólsherdegi kalıı  arqyly júrek bulshyq etteriniń qurylymyn kúsheıtedi. Jıi tumaýmen aýyratyn nemese tynys júıesi qabynǵan adamdardyń ımýnıtetin arttyrady. Úzbeı ishse, salattarǵa alma sirkesin qosyp qoldansa joǵary holesterındi de túsiredi.

---