InfoHub Logo

Bulbul — torǵaı tárizdiler otrádynyń saıraýyqtar tuqymdasyna jatatyn ánshi qus. Qazaqstavda eki túri — kádimgi nemese shyǵys búlbuly jáne ońtústik ne zortumsyqty bulbul kezdesedi. Ońtústik bulbuly Syrdarıa, Shý, İle, Qaratal ózevderiniń boıyndaǵy toǵaılardy, úlken baý-baqshalardy, qalyń butaly ósimdikterge baı saıabaqtardy mekendeıdi. Kádimgi bulbul Jaıyq pen Ertis ózenderiniń boıynda, Kókshetaý óńirindegi kyrattarda uıalaıdy. Dene turqy 160-190 mm, kanatynyń uzyndyǵy 90 mm-deı, salmaǵy 17-26 g. Arqasy qara-sur, qońyr-sur, baýyry aqshyl bolady. Bulbul — jyl qusy. Sáýirdiń aıaǵy men mamyrdyń basynda uıalaýǵa ryp keledi. Uıalaryn jerge, shóp arasyna nemese aǵashtardyń tómengi bugaqtaryna salady. Mamyr-maýsymda uıalaryna úsh ne bes qońyr tústi jumyrtqa salyp, ony mekıeni on úsh-on tórt kúndeı basyp, balapandaryn órbitedi, juptasyp qorektendiredi. Bulbul jándiktermen, órmekshilermen, tut aǵashynyń jıdegimen jáne ósimdik tuqymdarymen korektenedi. Tamyzdyń aıaǵy, qyrkúıektiń basynda Afrıkanyń tropıktik aýdandaryna qystaýǵa ushyp ketedi. Bulbul ár túrli jándiktermen qorektenip, orman sharýashylyǵyna kóp paıda keltiredi. Ánshi qustar retinde estetıkalyq mańyzy da zor.

---