InfoHub Logo

9 - synyp oqýshylaryna arnalǵan saıys keshi.
Taqyryby: Burymdy qyz
Maqsaty: qazaq qyzynyń boıyndaǵy ulttyq dástúrimizge saı ádeptilik, kóriktilik, eptilik, ınabattylyq, kishipeıildilik, sulýlyq t. b. jan - jaqty ulttyq qasıetterin tanyta bilý, qazaq halqynyń ulttyq ónerin, salt - dástúrin dáripteýge úıretý, oqýshylardyń tanymdyq jáne shyǵarmashylyq qabiletin, estetıkalyq talǵamyn, sheberligin damytý, kópshilik aldynda ózin - ózi ustaı bilýge, meıirimdilikke tárbıeleý.

İ - júrgizýshi: Armysyzdar, qurmetti ustazdar, aıaýly ata - analar, jáne de osy mekteptiń oqýshylary! Búgin sizder mektebimizdiń «Burymdy qyz» baıqaýyn tamashalaýǵa kelip otyrsyzdar. Qosh keldińizder. Kóńil saraılaryńyz ashylsyn, kúlkilerińizden injý - marjan shashylsyn!

İİ - júrgizýshi: Qazaq halqy «qyz» degen sózdiń ózin ádeptiliktiń, ádemiliktiń, ınabattylyqtyń, sulýlyqtyń belgisi dep tanyǵan. Ásirese qyz balanyń kórikti bolyp ósýine anasy erekshe kóńil bólip, «Attyń kórki - jaly, qyzdyń kórki - shashy» dep qyzdyń shashyn kútip ósirýdi óner sanaǵan. Ol úshin onyń shashyn aıranmen, qynamen jýdyrǵan. Shashtaryn «qos burym» nemese «bestemshe» etip órý boıjetken qyzdyń kórki bolǵan. Qazaq halqynyń jyrlarynda qazaq qyzdarynyń shashtaryn keremet sýrettegen: «Shashynyń uzyndyǵy izin basqan», «Shashtaryn on kún tarap, bes kún órgen», Qypsha bel, qıylǵan qas, qolań shashty».

İ júrgizýshi: Armysyzdar aǵaıyn, qurby - qurdas!
Barmysyzdar jan kúıer, ár qaýymdas!
Búgingi kesh áýenin biz bastaıyq,
Saıysta kóńilmenen qol soǵaıyq!

İİ júrgizýshi: Bizderde oıyn - saýyq bastalady,
Tamasha kúı tartylyp, án salady.
Qoshemettep, qol soǵyp otyralyq,
Umytarsyz kúni boıǵy sharshaǵandy.

İ júrgizýshi: Men qazaq qyzdaryna qaıran qalam,
Janary jazdaı kúlip jaırańdaǵan.
«Qyz ósse eldiń kórki»degen sózdi,
Qapysyz qalaı aıtqan qaıran babam - deı otyryp
Qurmetti ustazdar jáne oqýshylar! Búgingi «Burymdy qyz» atty baıqaýǵa qosh kelipsizder!

İİ júrgizýshi: Shyq arýym jarysqa,
Bir - birińnen qalyspa.
Ónerińdi baıqasyn,
Myna otyrǵan halyq ta - demekshi búgingi mektepishilik baıqaýymyzdyń arýlaryn ortaǵa shaqyramyz. (arýlar ortaǵa kezekpen shyǵady).
-----------------------------------------------
-----------------------------------------------------------
----------------------------------------------------------------
Ýa, arýlar, arýlar,
Eshkimiń joq alalar,
Arý bolý úlken syn.
Ony qazyń baǵalar,- dep qazylar alqasymen tanystyramyz._______________________________________________