InfoHub Logo

Bıologıa pánindegi aqparatty tehnologıa

Qazirgi ýaqytta eseptik tehnıka adamnyń ıntellektýaldy áreketiniń sapasyna kiredi, ǵylymı tehnıkalyq progrestiń qarqyndy damýynyń sheshýshi faktory bolyp keledi. Tabıǵat pen qoǵamdy bólip tanýda esep tehnıkasynyń róli ósýde.
Q. R. Prezıdenti N. Nazarbaevtyń «Jańa álemdegi jańa Qazaqstan» atty Qazaqstan halqyna Joldaýynda atap kórsetilgendeı, aqparattyq tehnologıalar men aqparatty taratýdyń jańa nysandaryna baǵdarlanǵan mamandandyrylǵan bilim berý baǵyttaryn qurý mindeti de aldymyzda tur.

Sonymen aqparat degenimiz – aınaladaǵy ortadan qabyldaıtyn, aınaladaǵy ortaǵa beretin nemese keıbir júıelerdiń ishinde saqtalatyn málimetterdiń jıyntyǵyn aıtamyz. Aqparattandyrýdyń negizgi baǵyty HHİ ǵasyrdyń talabyna saı qoǵamdy aqparattandyra otyryp jańa bilim strategıasyna kóshý bolyp tabylady. Qazirgi kezeńdegi zamanaýı bilim berý júıesiniń ereksheligi – onyń ilgeriligi, aldyn alý sıpaty jáne osylarǵa qol jetkizý múmkindikteri bolady.

Iaǵnı qoǵamdy aqparattandyrý degenimiz – bul globaldy áleýmettik úrdis, onyń ereksheligi – qoǵamdyq óndiristik aıasynda aqparattardy jınaqtaý, óńdeý, saqtaý, alyp berý jáne qoldaný bolyp tabylady. Olardyń mıkroprosesorly jáne esepteý tehnologıalary qazirgi zamandaǵy amaldardyń negizinde jáne aqparattyq almasýdyń ártúrli amaldary bazasynda júzege asady.

Qazirgi ýaqytta qoǵamnyń keıbir sferalarynyń qoly jetetin, kólemdi barlyq aqparattardy qoldanýǵa eseptelgen ashyq aqparattyq tehnologıalardy qoldaný qoǵamdy basqarý mehanızminiń jetilýine múmkindik beredi, qoǵamdy gýmanızasıalaýǵa jáne demokratızasıalanýyna sebep bolady. Aqparattandyrý qoǵamy men baılanysta júretin prosester ǵylymı - tehnıkalyq progresti jedeldetýine sebep bolyp ǵana qoımaıdy, sonymen qatar adam áreketiniń barlyq túrleriniń oıshyldyǵyna sapaly jáne aqparatty ortany jasaýǵa, jeke tulǵanyń potensıaldy shyǵarmashylyǵynyń damýyn qamtamasyz etýge sebep boldy.

Orta bilim berý júıesin aqparattandyrý – ol oqýshylardyń aqparattyq mádenıetin qalyptastyrý bolyp tabylady. Oqytý úrdisinde aqparattyq tehnologıany paıdalanyp bilim berýdiń ár túrli aspektilerin damytýǵa bolady. Olar: aqparatty óńdeýdiń kognıtıvtik aspektileri, oqytýdyń motıvasıalyq aspektileri jáne oqytýdyń komýnıkasıalyq aspektileri jáne tanymdyq aspektileri. Máselen, elektrondy oqýlyqpen jumys jasaǵanda, kompúterlik baǵdarlamada tańdap alǵan taraýdyń barlyq taqyryptardyń teorıalyq materıaldary, esep shyǵarý úlgileri, óz betterimen jumys isteýge arnalǵan jattyǵýlar, ár taqyryp boıynsha oryndalatyn zerthanalyq jumys tapsyrmalary, oqýshylardyń bilim sapasyn tekserýge arnalǵan test tapsyrmalary beriledi jáne synyp oqýshylarynyń árqaısysyna jeke - jeke nusqaýlar boıynsha jumys júrgizýge qolaıly. Bundaı baǵdarlamalardyń ereksheligi sol, ári ýaqytty da únemdeıdi, ári muǵalimniń de jumysyn jeńildetedi. Osylaısha aqparattyq tehnologıalardy paıdalanyp oqytý mynadaı nátıjelerge qol jetkizedi:
- oqý materıalyn tereń túsinýge;
- oqý motıvasıasynyń artýyna;
- alǵan bilimniń uzaq ýaqyt este saqtalýyna;
- bilim berýge jumsalatyn shyǵynnyń azaıýyna, t. b